Hingoli Accident News: हिंगोली : हिंगोली जिल्ह्यात एक भीषण अपघात झाल्याची माहिती समोर येत आहे. हिंगोली-वाशिम राष्ट्रीय महामार्गावर दोन ट्रकमध्ये भीषण अपघात झाला आहे. नागपूरमधून संत्री घेऊन जाणाऱ्या ट्रकने रस्त्याच्या बाजूला उभा असलेल्या ट्रकला पाठीमागून जोरदार धडक दिली. या अपघातात आयशर चालकाचा जागीच मृत्यू झाला. हिंगोलीच्या माळहिवरा परिसरात ही मोठी दुर्घटना घडली आहे. ट्रक चालकाची डुलकी लागल्याने हा अपघात झाल्याची प्राथमिक माहिती आहे.( Hingoli Washim Accident)
याबाबत घटनेबाबत मिळालेल्या अधिक माहितीनुसार, हिंगोली-वाशिम राष्ट्रीय महामार्गावर दोन ट्रकमध्ये भीषण अपघात झाला. नागपूरमधून संत्री घेऊन निघालेल्या आयशर ट्रकने रस्त्याच्या कडेला उभा असलेल्या ट्रकला पाठीमागून जोराची धडक दिली. या धडकेत दोन्ही ट्रकचे मोठे नुकसान झाले असून आयशर चालक शेख अनवर, शेख कटूमिया हे जागीच ठार झाले आहेत. हिंगोलीच्या माळशिवरा गावाजवळ ही दुर्घटना घडली.
अपघाताची माहिती मिळताच महामार्ग पोलीस आणि हिंगोली ग्रामीण पोलिसांनी घटनास्थळी दाखल झाले असून मृत चालकाला रुग्णालयात क्षवविच्छेदनासाठी दाखल केले आहे. अपघातानंतर हिंगोली-वाशिम राष्ट्रीय महामार्गावर मोठी वाहतुक कोंडी झाली होती. या दुर्घटनेत अपघातग्रस्त दोन्ही ट्रक आणि संत्र्याच्या मालांचे मोठ्या प्रमाणात नुकसान झाले आहे. पुढील तपास हिंगोली ग्रामीण पोलीस करत आहे. (Hingoli Accident News)
