संतोष गायकवाड
वाघोली : भारतरत्न डॉ. बाबासाहेब आंबेडकर यांचे नातू व ‘द बुद्धिस्ट सोसायटी ऑफ इंडिया’चे राष्ट्रीय कार्याध्यक्ष भीमराव आंबेडकर यांचा वंचित बहुजन आघाडीच्या (Vanchit Bahujan Aghadi) वतीने जाहीर सत्कार करण्यात आला.
वाघोली येथे धम्मरथ सांगता समारोप व बुद्धरूप स्थापनेच्या कार्यक्रमासाठी ते येथे आले होते. या कार्यक्रमाला संबोधित करताना त्यांनी एकसंघ राहण्याचे आवाहन केले. यावेळी त्यांचा जाहीर सत्कार वंचित बहुजन आघाडीचे पुणे शहर उपाध्यक्ष हिरामण वाघमारे व प्रभाग क्रमांक ४ चे अध्यक्ष संदीप मोरे व त्यांच्या कार्यकारिणीतर्फे करण्यात आला.
