Sasvad News : सासवड येथे दाम्पत्याला कोयत्याचा धाक दाखवून लुटले ; चोरटे फरार, अज्ञात तिघांविरुद्ध पोलीस ठाण्यात गुन्हा दाखल..
Sasvad News : सासवड, (पुणे) : सासवड पोलीस ठाण्याच्या हद्दीत दुचाकीवरून घरी निघालेल्या दाम्पंत्याला कोयत्याचा धाक दाखवून रोख रक्कम, सोन्याचे दागिने असा दीड लाखांचा मुद्देमाल तीन अज्ञात चोरट्यांनी लुटून नेल्याची घटना घडली आहे. चिव्हेवाडी-देवडी रोडवरील चिव्हेवाडी (ता. पुरंदर) ग्रामपंचायत हद्दीत रविवारी (ता. २१) रात्री साडेनऊ वाजण्याच्या सुमारास घडली आहे. (At Saswad, a couple was robbed by Thieves. a case has been registered in the police station against three unknown persons.)
याप्रकरणी मनोहर भैरू सुर्वे (व्यवसाय नोकरी, रा. गावडदरा ता. हवेली) यांनी सासवड पोलीस ठाण्यात फिर्याद दिली आहे. (Sasvad News) त्यानुसार अज्ञात तीन चोरट्यांच्या विरोधात गुन्हा दाखल करण्यात आला आहे.
१ लाख ५८ हजार रुपयांचा ऐवज लुटला
पोलिसांनी दिलेल्या माहितीनुसार, मनोहर सुर्वे हे रविवारी पत्नीसह दुचाकीवरून नारायणपुरवरून त्यांच्या घरी निघाले होते. चिव्हेवाडी या गावच्या हद्दीत असणाऱ्या चिव्हेवाडी-देवडी रोडवरील बंधाऱ्या जवळुन मोटार सायकलवर निघाले असताना त्यांच्या पाठीमागून एका होंडा कंपनीच्या मोटारसायकलवर तीन अनोळखी इसम आले. यावेळी त्यांनी त्यांच्याजवळ असलेली दुचाकी हि सुर्वे यांच्या दुचाकीला आडवी लावली. (Sasvad News) त्यातील एकाने कोयता काढला व मारून टाकण्याची भीती दाखवली. तसेच “पैसे व सोने काढुन द्या नाहीतर जिवे मारून टाकतो” असे म्हणुन त्यांच्याकडील रोख रक्कम तसेच त्यांच्या पत्नीच्या गळ्यातील सोन्याचे गंठण व डोरले असा १ लाख ५८ हजार रुपयांचा मुद्देमाल जबरीने चोरी करून नेला. याबाबत सासवड पोलीस ठाण्यात तीन अज्ञात चोरट्यांच्या विरोधात गुन्हा दाखल करण्यात आला आहे. अधिक तपास सासवड पोलीस करत आहेत.
अधिक बातम्या वाचण्यासाठी येथे क्लिक करा :
Sasvad Crime : सासवड येथे कोयत्याने सपासप वार करणार्या दोघांना सात वर्षे सक्तमजुरी..
Lonikand Crime : केसनंद येथील तरूणाला धारदार शस्त्राने जखमी करून लुटणार्या दोघांना बेड्या…
