-बापू मुळीक
सासवड : महाविकास आघाडीची सत्ता गेल्यानंतर अनेक जण प्रलोभनांना बळी पडून पक्षनिष्ठा सोडून गेले. मात्र खासदार शरद पवार यांच्या नेतृत्वाखाली आमदार संजय जगताप हे प्रामाणिकपणे महाविकास आघाडीच्या सोबत राहिले. लोकसभेच्या निवडणुकीमध्ये अतिशय कठीण काळात आपली बहीण सुप्रियाताईंच्या पाठीमागे खंबीरपणे उभे राहत. त्यांच्या विजयामध्ये मोलाचा वाटा उचलला. पुरंदरची स्वाभिमानी जनता निष्ठावंत विरुद्ध गद्दारीचा निर्णय कौल घेणार असून, महाविकास आघाडीचे उमेदवार आमदार संजय जगताप यांच्या पाठीमागे या निवडणुकीत जनता भक्कमपणे उभी राहणार असल्याचा, ठाम विश्वास राष्ट्रवादीचे तालुका अध्यक्ष पुष्कराज जाधव यांनी आपले विचार व्यक्त केले.
पुरंदरमध्ये महाविकास आघाडीचे एकमेव उमेदवार आमदार संजय जगताप असून, महायुतीचे अनेक उमेदवार आहेत. महायुतीच्या कार्यकर्त्यात मोठा संभ्रम असून, भाजपच्या निष्ठावंतांनाही तटस्थ राहण्याची भूमिका घेतली आहे. राज्यात आता खासदार शरद पवार यांच्या मार्गदर्शनाखाली महाविकास आघाडीचे सरकार येणार असल्याचे स्पष्ट झाले आहे. वीर( ता. पुरंदर) येथे महाविकास आघाडीचे उमेदवार आमदार संजय जगताप यांच्या प्रचाराच्या कोपरा सभेत पुष्कराज जाधव बोलत होते.
यावेळी आमदार संजय जगताप यांनी लपतळवाडी, सटलवाडी, धनकवडी, दवणेवाडी येथील मतदारांशी संवाद साधला.
