Pune News : पुणे : अभिनेते नाना पाटेकर त्यांच्या वैशिष्ट्यपूर्ण चित्रपटांसोबतच परखड वक्तव्यासाठीदेखील प्रसिद्ध आहेत. नुकत्याच झालेल्या एका मुलाखतीत त्यांनी मृत्यूबद्दल मोठे वक्तव्य केले आहे. मृत्यूनंतर नाना पाटेकर यांना १२ मण लाकडे लागतील. मी माझ्यासाठी १२ मण लाकडे तयार ठेवली आहेत. सर्व लाकडे सुकी आहेत. माझ्या अंत्यसंस्कारासाठी ओली लाकडे वापरू नका, नाहीतर सर्वत्र धूर होईल. जे अंत्यसंस्कारासाठी उपस्थित असतील, त्यांच्या डोळ्यांत पाणी येईल आणि ते माझ्यासाठी रडतात, असा अनेकांचा गैरसमज होईल… असे उद्गगार नाना पाटेकर यांनी स्वतःला उद्देशून काढले आहेत. सध्या सर्वत्र नाना पाटेकर यांच्या वक्तव्याची चर्चा रंगत आहे.
मी या जगात एकटा आहे..
नाना पाटेकर लवकरच विवेक अग्नीहोत्री दिग्दर्शित ‘द व्हॅक्सिन वॉर’ सिनेमाच्या माध्यमातून चाहत्यांच्या भेटीस येणार आहेत. या दरम्यान, अनेक ठिकाणी त्यांच्या मुलाखती घेतल्या जात आहेत. एका मुलाखतीत बोलताना पाटेकर म्हणाले की, माझ्या निधनाच्या वेळी कोणताही गैरसमज नको, अशी माझी इच्छा आहे. (Pune News) माझ्या निधनानंतर माझा फोटो देखील लावू नका. मला पूर्णपणे विसरून जा… तेच अत्यंत महत्त्वाचं आहे…
आपल्या कुटुंबाविषयी बोलताना नाना पाटेकर म्हणाले की, आम्ही सात भावंडे होतो. मात्र, सर्वांचे आता निधन झाले आहे. (Pune News) आई-वडील, भाऊ-बहीण आता मला कोणी नाही. मी या जगात एकटा आहे…
अधिक बातम्या वाचण्यासाठी येथे क्लिक करा :
Pune News : राज्यात वेगवेगळ्या खात्यात दिड लाख पदांची भरती करणार – उपमुख्यमंत्री अजित पवार
Pune News : गुगलवर रिव्ह्यू द्या, पैसे मिळवा; ‘ऑनलाइन टास्क’ देवून ३५ लाखांना लुटले
