Pune News : पुणे : पूर्व वैमनस्यातून एका तरुणावर जीवघेणा हल्ला करुन पळून गेलेल्या टोळक्यातील तिघांना भारती विद्यापीठ पोलिसांनी बेड्या ठोकल्या.
आदित्य विशााल गोसावी (वय २०, रा. धनकवडी), राज राकेश परदेशी (वय २३, रा. धनकवडी), ओमकार चंद्रकांत सावंत (वय १८, रा. मोहननगर, धनकवडी ) अशी अटक केलेल्यांची नावे आहेत. पोलिसांनी पाच जणांवर खूनाचा प्रयत्न केल्याचा गुन्हा दाखल केला आहे.
याप्रकरणी आदित्य राजेंद्र बर्डे (वय २२, रा. संतोषनगर, कात्रज) यांनी भारती विद्यापीठ पोलीस ठाण्यात फिर्याद ) दिली आहे.
चेष्टामस्करीतून झाला होता वाद
पोलिसांनी दिलेल्या माहितीनुसार, फिर्यादी याचे एका अल्पवयीन मुलासोबत चेष्टामस्करीतून वाद झाला होता. याचा राग होता. फिर्यादी हे इतर मित्राबरोबर चहा हाइट येथे चहा पित बसले (Pune News) असताना पाच जणांचे टोळके तेथे आले.त्यांनी आदित्य व त्याचा भाऊ ऋषी बर्डे यांना लाथाबुक्क्यांनी मारहाण केली.
ऋषी याच्या डोक्यावर, हाता पायावर कोयत्याने वार करुन गंभीर जखमी केले. ऋषी बर्डे याच्यावर रुग्णालयात उपचार करण्यात येत आहेत. (Pune News) हा प्रकार धनकवडीतील वेलनेस मेडिकलसमोर मंगळवारी रात्री साडेनऊ वाजता घडला होता.
पोलिसांनी तिघांना अटक केली असून सहायक पोलीस निरीक्षक घावटे तपास करीत आहेत.
अधिक बातम्या वाचण्यासाठी येथे क्लिक करा :
Pune News : धक्कादायक ! पहिल्याच दिवशी फी साठी विद्यार्थ्यांना हाकलले शाळेबाहेर
