Pune News : पुणे: पुण्यातील पुरंदर तालुक्यातील सासवड – कापूरहोळ रस्त्यावरील नारायणपूर येथे राँग साईडने येणाऱ्या कारने एका दुचाकीला जोराची धडक दिली. या धडकेत दुचाकीवरील दोघांचा मृत्यू झाला. या घटनेनं परिसरात एकच खळबळ उडाली आहे. या अपघातामुळे काही वेळ वाहतूक कोंडी झाली होती.(A car coming from the wrong side collides with a bike in Pune; two died on the spot)
शिवाजी पोमण (वय ४८) आणि भीमराव लक्ष्मण कांबळे (वय ६५) अशी अपघातात मृत्यू झालेल्या दोघांची नाव आहेत. याबाबत कृष्णा चंद्रकात पोमण यांनी फिर्याद दिली आहे.(Pune News ) शिवाजी पोमण हे नारायणपूर ग्रामपंचायतीचे माजी सदस्य आहेत.
नारायणपूर ते सासवड मार्गावर झाला अपघात
मिळालेल्या माहितीनुसार, आज सकाळी साधारण ९ वाजता मौजे शेटेमळा सासवड गावच्या हद्दीत नारायणपुर ते सासवड रोडवर एर्टिगा क्रमांक एमएच १३ डीइ ५४६८ आणि दुचाकी क्रमांक एमएच १२ बीआर ९९६८ या दुचाकीवरून जात असताना अपघात झाला. (Pune News )
या अपघातात दुचाकीवरून जाणाऱ्या दोघे शिवाजी पोमण आणि भीमराव कांबळे हे दोघेही गंभीर जखमी झाले होते. त्यांना स्थानिक नागरिकांनी रुग्णालयात दाखल केले. मात्र, रक्तस्राव अधिक झाल्याने त्यांचा उपचारादरम्यान मृत्यू झाला आहे. (Pune News ) कारचालकाने भरधाव वेगाने गाडी चालवत असल्याने आणि विरुद्ध दिशेने येत असल्याने हा अपघात झाला. अपघात झाल्यानंतर चालक घटनास्थळावरून फरार झाला आहे. त्याच्याविरोधात पोलीस स्टेशनमध्ये तक्रार दाखल करण्यात आली आहे.
या अपघातात दुचाकीचे प्रचंड प्रमाणात नुकसान झालं असून कारचालक घटनास्थळावरून फरार झाला आहे. या घटनेनं मृतांच्या कुटुंबावर शोककळा पसरली आहे.
अधिक बातम्या वाचण्यासाठी येथे क्लिक करा :
Pune News : सलग चौथ्यांदा न्यू इंग्लिश स्कूल शिरोली बोरी विद्यालयाचा 100 टक्के निकाल
Pune News : पुण्यात स्वारगेट बस स्टँड परिसरात टोळक्याकडून तरुणावर कोयत्याने वार
Pune News : पुणे जिल्हा परिषदेला भारतीय लोक प्रशासन संस्थेचा स्व. एस. एस. गडकरी पुरस्कार
