Pune Election : भोर नगर परिषदेच्या सार्वत्रिक निवडणूकीचा निकाल रविवार ( दि. २१) रोजी सकाळी १० वाजता पाच टेबलवर मतमोजणीस सुरुवात होणार असून नगराध्यक्ष पदाचा निकाल शेवटच्या फेऱ्या नंतर जाहिर करण्यात येणार असल्याची माहिती सहाय्यक निवडणूक निर्णय अधिकारी गजानन शिंदे यांनी दिली. (Pune Election)
पाच टेबलवर,पाच पाच फेऱ्यात होणार मतमोजणी एक तासात निकाल येणार बाहेर
भोर नगरपालिकेच्या निवडणुकीच्या निकालाची मतमोजणी रविवार ( दि.२१) डिसेंबरला कान्होजी जेधे औद्योगिक प्रशिक्षण केंद्रात सकाळी दहा वाजता मतमोजणीला सुरुवात होणार आहे. मतमोजणीसाठी प्रत्येक टेबलला चार कर्मचारी आणि दोन जण उमेदवारांचे प्रतिनिधी म्हणून असणार आहेत. पहिल्या फेरीमध्ये एक मधील प्रभाग क्रमांक एक ते पाच प्रभाग मधील अ क्रमांकाची मतमोजणी होणार तर दुसरी फेरीत प्रभाग क्रमांक एक ते पाच मधील ब क्रमांकाचे मतमोजणी होणार असून तिसरी फेरी प्रभाग क्रमांक सहा,सात,आठ दहा अ क्रमांकाची मोजणी होणार व प्रभाग चार मधील क नंबरची मतमोजणी होणार होऊन फेरी क्रमांक चार प्रभाग क्रमांक
सहा,सात,आठ,दहा ब आणि प्रभाग क्रमांक नऊ मधील अ ची मतमोजणी होणार.फेरी क्रमांक पाच प्रभाग क्रमांक आठ क आणि प्रभाग क्रमांक नऊ ब ची मतमोजणी होणार दरम्यान या सर्व पाचही फेऱ्यांची मोजणी झाल्यानंतर नगराध्यक्षपदाच्या उमेदवारांचा निकाल बाहेर येणार आहे . एकूण १६ हजार ७१६ पैकी १२ हजार ८६५ मतदान झाले असून यांची मतमोजणीस साधारणपणे एक ते दीड तासांमध्ये निकाल लागेल असे निवडणूक अधिकारी यांनी सांगितले.
