पुणे: ‘मानुषी’ मासिकाच्या संस्थापिका मधु पूर्णिमा किश्वर यांनी उबर कॅब चालकाने केलेल्या असभ्य वर्त्तानामुळे संताप व्यक्त केला आहे. किश्वर यांनी बुधवारी रात्री राईड बुक केली होती. प्रवासादरम्यान चालक गौतम बराच वेळ रागात फोनवर बोलत होता, तसेच उबरच्या नियमांचे उल्लंघन करत त्याने किश्वर यांच्या प्रश्नांना प्रतिसाद दिला नाही. रात्री 10.30 वाजता मुख्य गेटवर पोहोचल्यावर चालकाने त्यांना पुढे सोडण्यास नकार दिला. 100 मीटर अंतरावर इमारत असूनही, ‘माझे काम फक्त गेटपर्यंत सोडने आहे’ असे म्हणून त्याने उद्धटपणा दाखवला.
येथे पाहा पोस्ट:
Dear @Uber_India I had the most nightmarish experience with Uber driver GAUTAM tonight.
I booked an intercity ride at 835 pm from Pune airport for Chinmaya Vibhooti Centre which is about 52 kms from the airport.
It was a long ride. Driver Gautam remained so busy talking in an… pic.twitter.com/zrQNGIyh13— Madhu Purnima Kishwar (@madhukishwar) November 30, 2025
चालकाने किश्वर यांचे सामान कारच्या डिक्कीतच ठेवले आणि भाडे दिल्याशिवाय सामान देण्यास स्पष्ट नकार दिला. दरम्यान, पैसे न मिळाल्याची खोटी तक्रार करायची आहे, असे सांगून गाडी घेऊन पळण्याचा प्रयत्न केला. मिशनच्या कर्मचाऱ्यांनी तातडीने गेटवर सुरक्षा रक्षकांना फोन करून कॅब अडवली. अखेरीस किश्वर यांनी कॅबमध्ये बसून 1693 रुपयांचे बिल 1700 रुपये देऊन चुकवले, त्यानंतर त्यांना त्यांचे सामान मिळाले. किश्वर यांनी उबर इंडियाला टॅग करत, संताप व्यक्त केला.
