लोणी काळभोर: अकरावीच्या वर्गात (Loni Kalbhor News) शिक्षण घेत असलेल्या एका अल्पवयीन मुलीला राहत्या घरातून अज्ञात इसमाने फूस लावून पळवून नेल्याची (Pune Crime) घटना घडली आहे. ही घटना लोणी काळभोर (ता. हवेली) परिसरात घडली असून शुक्रवारी (ता.20) संध्याकाळी साडेसहा वाजण्याच्या सुमारास उघडकीस आली आहे. (Latest Marathi News)
याप्रकरणी अल्पवयीन मुलीच्या वडिलांनी लोणी काळभोर पोलीस ठाण्यात फिर्याद दिली आहे. त्यानुसार अज्ञात व्यक्तीच्या विरोधात अपहरणाचा गुन्हा दाखल करण्यात आला आहे. फिर्यादी हे 40 वर्षाचे असून ते कुटुंबासोबत लोणी काळभोर परिसरात राहतात. फिर्यादी यांना 17 वर्षाची मुलगी असून ती लोणी काळभोर येथील एका नामांकित शैक्षणिक संकुलात अकरावीच्या वर्गात शिक्षण घेत आहे.
अल्पवयीन मुलगी शुक्रवारी घरी एकटीच होती. फिर्यादी हे सायंकाळी साडेसहा वाजण्याच्या सुमारास कामावरून घरी आले. तेव्हा त्यांना मुलगी आढळून आली नाही. तिचा लोणी काळभोर सह परिसरात शोध घेतला. परंतु, ती कोठेही मिळून आलेली नाही. तिची नातेवाईकांकडे कधी चौकशी केली. मात्र तिकडेही ती आली नसल्याचे सांगण्यात आले.
दरम्यान, कोणीतरी अज्ञात इसमाने तिच्या अज्ञान वयाचा फायदा घेऊन, तिला कशाचीतरी फूस लाऊन फिर्यादी यांच्या कायदेशिर रखवालीतुन पळवून नेले आहे. अशी तक्रार फिर्यादी यांनी लोणी काळभोर पोलीस ठाण्यात दिली आहे. त्यानुसार अज्ञात इसमाच्या विरोधात भारतीय न्याय संहिता कलम 137 (2) प्रमाणे गुन्हा दाखल करण्यात आला आहे. पुढील तपास लोणी काळभोर पोलीस ठाण्याचे पोलीस उपनिरीक्षक अनिल जाधव करत आहेत.
