पुणे: महाराष्ट्र राज्य महसूल (Revenue Department) अधिकारी व कर्मचारी समन्वय (Maval News) महासंघाने आपल्या प्रलंबित मागण्यांसाठी पुकारलेले राज्यव्यापी (Pune News) कामबंद आंदोलन मागे घेण्याची घोषणा केली आहे. दिनांक 16/12/2025 रोजी आंदोलनाची नोटीस दिल्यानंतर, दिनांक 18/12/2025 रोजी महसूल मंत्र्यांसोबत झालेल्या सकारात्मक चर्चेनंतर हा निर्णय घेण्यात आला. या बैठकीत महसूल मंत्री, (Chandrashekhar Bawankule) महसूल विभागाचे अपर मुख्य सचिव आणि महासंघाचे प्रतिनिधी उपस्थित होते. बैठकीत प्रामुख्याने मावळ, पुणे येथील प्रकरणात निलंबित करण्यात आलेल्या सर्व अधिकारी आणि कर्मचाऱ्यांचे निलंबन तीन दिवसांच्या आत मागे घेण्याचे आश्वासन मंत्र्यांनी दिले आहे. यासाठी विभागीय आयुक्तांकडून तात्काळ अहवाल मागवण्यात येणार असून, जिल्हाधिकारी स्तरावर झालेली गौण खनिज विषयक सर्व कारवाई मागे घेण्याचे निर्देशही देण्यात आले आहेत. (Breaking News)
पालघरमधील कर्मचाऱ्यांचे निलंबनही तात्काळ मागे घेण्यात येणार आहे. तसेच, गौण खनिजाची अवैध वाहतूक रोखण्यासाठी नवीन डिजिटल प्रणाली विकसित केली जाईल, ज्यामुळे अधिकारी व कर्मचाऱ्यांना रात्रीच्या वेळी प्रत्यक्ष घटनास्थळी जाण्याची गरज भासणार नाही आणि थेट नोटीस तयार होईल. नायब तहसीलदार, महसूल सहायक आणि मंडळ अधिकारी यांच्या वेतन श्रेणीतील त्रुटी दूर करण्याबाबतचा प्रस्ताव वेतन त्रुटी समितीकडे पाठवून त्याला मंत्रिमंडळाची मंजुरी घेण्याचे आश्वासन देण्यात आले आहे. महसूल विभागातील पदोन्नती प्रक्रियेला गती देऊन रिक्त पदे भरण्याबाबतही सकारात्मक चर्चा झाली.
महसूल मंत्र्यांनी दिलेल्या लेखी आश्वासनांनंतर समन्वय महासंघाने आपले कामबंद आंदोलन स्थगित करण्याचा निर्णय घेतला आहे. या बैठकीत महासंघाचे समन्वयक जीवन आहेर, अध्यक्ष विजय टेकाळे, सुरेश बगळे, बाळकृष्ण गाढवे, निळकंठ उगले, दीपक चव्हाण, नामदेव शिंदे, अनिल सूर्यवंशी आणि इतर पदाधिकारी उपस्थित होते. प्रशासनाकडून मिळालेल्या सकारात्मक प्रतिसादाबद्दल महासंघाच्या वतीने महसूल मंत्री आणि वरिष्ठ अधिकाऱ्यांचे आभार मानण्यात आले आहेत. महसूल विभागाचे कामकाज आता सुरळीतपणे सुरू होईल. वरिष्ठ महसूल अधिकाऱ्यांच्या या बैठकीनंतर पुकारलेला संप अखेर मिटला असून कर्मचाऱ्यांच्या मागण्यांना यश आले आहे
