पुणे: राज्याचे उपमुख्यमंत्री अजित पवार (Pune News) यांच्या विमान अपघात प्रकरणाच्या चौकशीची सूत्रे राज्य गुन्हे अन्वेषण विभागाकडे (CID) सोपवला असून सध्या अधिक तपास सुरु आहे. याप्रकरणी पुण्यातील सीआयडी कार्यालयात ‘व्हीएसआर व्हेंचर्स’ या विमान कंपनीचे मालक व्ही. के. सिंह आणि महत्त्वाचे अधिकारी चौकशीसाठी पोहोचले असून बंद दाराआड त्यांची कसून चौकशी केली जात आहे.
‘डीजीसीए’ (DGCA) ने 24 फेब्रुवारीला दिलेल्या अहवालाने सर्वांच्या भुवया उंचावल्या. या अहवालात संबंधित कंपनीच्या कामात अत्यंत गंभीर त्रुटी असल्याचे समोर आले होते. दरम्यान, अनेक अनुत्तरित प्रश्नांची सविस्तर ‘प्रश्नावली’ सीआयडीने आता कंपनी मालकाच्या समोर ठेवली आहे.
आमदार रोहित पवार यांनी या प्रकरणावर सुरुवातीपासूनच संशय व्यक्त केला होता. “हा अपघात होता की घातपात?” अशी शंका उपस्थित करत त्यांनी व्हीएसआर कंपनीला वाचवण्याचे प्रयत्न होत असल्याचा गंभीर आरोप केला होता. सीआयडी आता अपघात प्रकरणाची मुळापासून तपासणी करत आहे.
डीजीसीएच्या अहवालाप्रमाणे सुरक्षेत त्रुटी असतील, तर एका बड्या नेत्याचा जीव धोक्यात घालण्यामागे नेमकं कोण होत, हे स्पष्ट होणे गरजेचे आहे. सीआयडीच्या या कारवाईमुळे तांत्रिक चूक होती कि घातपात ते समोर येण्याची शक्यता आहे.
