पुणे: पुण्यासारख्या शिक्षणाचं (Pune News) माहेरघर असणाऱ्या शहरात अंधश्रद्धेचा धक्कादायक प्रकार समोर आला आहे. टाकवे न्यू इंग्लिश स्कूलमध्ये (Takwe New English School) शाळेच्या पटांगणात (Pune Crime) जादूटोणा झाल्याचा संशय व्यक्त केला जात आहे. लिंबू, अंडी, कुंकू आणि कागदाचे तुकडे जमिनीवर ठेवून गोलाकार चिन्ह काढळूनच आढळून आलं. या प्रकारामुळे विद्यार्थी आणि पालकांमध्ये भीतीचं वातावरण निर्माण झालं आहे. (Breaking News)
शाळेच्या पटांगणातील एका कोपऱ्यात लिंबू, अंडी, कुंकू आणि कागदाचे तुकडे ठेवण्यात आल्याचे विद्यार्थ्यांना दिसले. त्यानंतर त्यांनी शिक्षकांना ही माहिती दिली. अचानक अशा वस्तू सापडल्याने विद्यार्थी त्या भागात जाण्यास टाळत आहेत. पालकांनीही चिंता व्यक्त करून शाळा प्रशासनाला तक्रार केली आहे.
शाळा प्रशासनाने तत्काळ ग्रामपंचायत आणि पोलिसांना याची माहिती दिली. हे कृत्य नेमके कोणी केले आणि यामागचा उद्देश काय, हे अद्याप स्पष्ट झालेले नाही. मात्र अशा प्रकारामुळे शाळेतील सुरक्षेचा प्रश्न महत्त्वाचा बनला आहे. विद्यार्थ्यांच्या सुरक्षिततेसाठी आवश्यक ती उपाययोजना केल्याचे शाळा व्यवस्थापनाने सांगितले. तसेच ग्रामस्थांनी अफवा न पसरवण्याचे आवाहनही करण्यात आले.
यापूर्वीही टाकवे परिसरातील पंचायत निवडणुकीदरम्यान लिंबांवर नावे लिहून त्यामध्ये खिळे टोचण्याचा प्रकार घडला होता. त्या घटनेची चर्चा अजूनही स्थानिकांमध्ये होत असते. त्यामुळे पुन्हा अशा वस्तू सापडल्याने ग्रामस्थांची चिंता वाढली आहे. प्रशासन आता या प्रकरणाचा तपास करत असून पुढील कारवाईसाठी पोलिस अधिक माहिती गोळा करत आहेत.
