पुणे : लक्ष्मीपूजनानिमित्त रविवार, ८ नोव्हेंबर २०२६ रोजी पुणे मेट्रोच्या वेळापत्रकात बदल करण्यात आला आहे. या दिवशी मेट्रो मार्गिका १ (स्वारगेट ते पिंपरी-चिंचवड) आणि मार्गिका २ (वनाझ ते रामवाडी) वरील सेवा सकाळी ६ ते संध्याकाळी ६ या वेळेतच सुरू राहणार आहे.
सणाच्या पार्श्वभूमीवर दोन्ही मार्गिकांवरील मेट्रो सेवा संध्याकाळी ६ ते रात्री ११ या वेळेत पूर्णपणे बंद ठेवण्यात येणार आहे. त्यामुळे प्रवाशांनी आपला प्रवास संध्याकाळी ६ पूर्वी पूर्ण करण्याचे नियोजन करावे, असे आवाहन प्रशासनाने केले आहे.
दरम्यान, नुकतीच सुरू झालेल्या मार्गिका ३ (हिंजवडी ते जिल्हा न्यायालय) च्या वेळापत्रकात कोणताही बदल करण्यात आलेला नाही. सोमवार, ९ नोव्हेंबरपासून पुणे मेट्रोची सेवा नेहमीप्रमाणे सकाळी ६ ते रात्री ११ या वेळेत सुरू राहणार आहे. प्रवाशांनी या बदलाची नोंद घेऊन सहकार्य करावे, असे आवाहन मेट्रो प्रशासनाने केले आहे.
