पिंपरी-चिंचवड: राज्यातील 29 महानगरपालिकांच्या (Sanjog Waghere) निवडणुकांचे बिगुल वाजले असून 15 जानेवारी रोजी मतदान प्रक्रिया (Udhhav Thackeray) पार पडणार आहे, तर 16 जानेवारी रोजी निकाल (Pimpri-Chinchwad News) जाहीर होणार आहेत. या पार्श्वभूमीवर (Pune Politics) राज्यातील राजकीय घडामोडींना वेग आला असून अनेक पक्षांमध्ये हालचाली वाढल्या आहेत. अशातच पिंपरी चिंचवड महापालिकेच्या राजकारणात मोठी उलथापालथ झाली असून शिवसेना ठाकरे गटाला मोठा धक्का बसला आहे. (Breaking News)
शिवसेना ठाकरे गटाचे पिंपरी चिंचवड शहराध्यक्ष संजोग वाघेरे यांनी आपल्या पदाचा तसेच पक्ष सदस्यत्वाचा राजीनामा दिला आहे. त्यांनी दिलेल्या माहितीनुसार, येत्या एक ते दोन दिवसांत ते भाजपमध्ये प्रवेश करणार आहेत. महापालिका निवडणुकीच्या तोंडावर झालेल्या या घडामोडीमुळे ठाकरे गटाची मोठी कोंडी झाल्याचे बोलले जात आहे. (Latest Marathi News)
संजोग वाघेरे यांनी 18 डिसेंबर रोजी शिवसेना ठाकरे गटाच्या शहराध्यक्षपदाचा राजीनामा दिला. राजीनामा दिल्यानंतर त्यांनी स्पष्ट केले की, पिंपरी चिंचवडच्या राजकारणात नव्या भूमिकेत काम करण्यासाठी आपण भाजपमध्ये प्रवेश करणार आहोत. त्यांच्या या निर्णयामुळे भाजपने ठाकरे गटाला मोठा धक्का दिल्याची चर्चा राजकीय वर्तुळात सुरू आहे.
2024 च्या लोकसभा निवडणुकीपूर्वी संजोग वाघेरे यांनी राष्ट्रवादी काँग्रेस अजित पवार गटातून शिवसेना ठाकरे गटात प्रवेश केला होता. त्यानंतर त्यांनी मावळ लोकसभा मतदारसंघातून निवडणूक लढवली होती. महायुतीकडून शिंदे गटाचे उमेदवार श्रीरंग बारणे यांच्याविरोधात ते मैदानात उतरले होते. मात्र या निवडणुकीत श्रीरंग बारणे यांनी पुन्हा विजय मिळवला आणि संजोग वाघेरे यांचा पराभव झाला.
संजोग वाघेरे हे पिंपरी चिंचवडच्या राजकारणातील अनुभवी नेते म्हणून ओळखले जातात. ते माजी महापौर दिवंगत भिकू वाघेरे यांचे पुत्र आहेत. राष्ट्रवादी काँग्रेसच्या तिकिटावर ते तीन वेळा नगरसेवक राहिले असून त्यांनी महापौरपदाची जबाबदारीही सांभाळली आहे. स्थायी समितीचे अध्यक्षपदही त्यांनी भूषवले आहे. त्यांच्या पत्नीही नगरसेविका होत्या. सलग 8 वर्षे ते राष्ट्रवादी काँग्रेसचे शहराध्यक्ष होते आणि शरद पवार तसेच अजित पवार यांचे निकटवर्तीय म्हणून त्यांच्याकडे पाहिले जात होते.
महानगरपालिका निवडणुकांच्या पार्श्वभूमीवर भाजपमध्ये मोठ्या प्रमाणात पक्षप्रवेश होत असून, संजोग वाघेरे यांच्या प्रवेशामुळे पिंपरी चिंचवडमधील राजकीय समीकरणे बदलण्याची शक्यता व्यक्त केली जात आहे.
