pimpri chinchwad : पिंपरीतील जांबे परिसरात सोमवारी (१७ नोव्हेंबर) दुपारी भीषण अपघातात झाली. या अपघातात २० वर्षीय युवतीचा जागीच मृत्यू झाला. सावंत पार्क चौकात हा भीषण अपघात झाला. तन्वी सिद्धेश्वर साखरे असं मृत तरुणीचं नाव आहे. तन्वी आपल्या वडील सिद्धेश्वर साखरे यांच्यासोबत दुचाकीवरून जात असताना सावंत पार्क चौकात तिच्या दुचाकीला डंपरने धडक दिली आणि ती थेट वाहनाच्या चाकाखाली आली. अपघातानंतर डंपर चालक वाहनासह फरार झाला असून पोलिसांचा तपास सुरू आहे.
वडील किरकोळ जखमी
वडील किरकोळ जखमी झाले असून त्यांना प्राथमिक उपचार देण्यात आले. हिंजवडी–जांबे परिसरात गेल्या काही महिन्यांत डंपरमुळे होणाऱ्या प्राणघातक अपघातांची संख्या वाढत आहे. मात्र यावर कुठलीही ठोस उपाय- योजना होत नसल्याचं दिसून येतं. यापुर्वी नागरिकांनी मोर्चाही काढला होता. तरीही पोलिसांकडून प्रभावी उपाययोजना न झाल्याचा स्थानिकांकडून आरोप केला जात आहे.
