Loni Kalbhor News : आळंदी म्हातोबाची येथे श्री संत सेना महाराजांना पुण्यतिथीनिमित्त अभिवादन..

Loni Kalbhor News : लोणी काळभोर, (पुणे) : नाभिक समाजातर्फे श्री संत शिरोमणी सेना महाराज यांच्या पुण्यतिथीनिमित्त सोमवारी (ता. ११) आळंदी म्हातोबाची (ता. हवेली) येथे विविध उपक्रमांचे आयोजन करण्यात आले होते. अशी माहिती हवेली तालुका महाराष्ट्र नाभिक महामंडळाचे अध्यक्ष गोकुळ क्षिरसागर यांनी दिली.

विविध उपक्रमांचे आयोजन

नाभिक संघटनेच्या वतीने विविध कार्यक्रमांसाठी पुढाकार घेतला होता. यावेळी राजकीय क्षेत्रातील पदाधिकारी, कार्यकर्ते आणि नाभिक बांधवानी एकत्र येऊन श्री संत सेना महाराज यांच्या प्रतिमेचे पूजन केले. तसेच पुष्पहार अर्पण करून अभिवादन करण्यात आले.

उपस्थित समाज बांधवांना व्यवसाय वाढीसाठी कर्ज योजनेची माहीती देण्यात आली. यावेळी अध्यक्ष गोकुळ क्षिरसागर, माजी उपसरपंच शंकर क्षिरसागर, बबनराव गायकवाड, सचिन क्षिरसागर, अतुल क्षिरसागर, संतोष क्षीरसागर, गणेश क्षिरसागर व गावातील विविध घटकातील मान्यवर मंडळी तसेच नाभिक समाजातील सर्व मान्यवर उपस्थित होते.