शुभम वाकचौरे
Junnar News : जांबूत : संशोधनाच्या जगात टिकायचे असेल तर तुम्ही बी. फार्मसी नंतर उच्च शिक्षणाला प्राधान्य देणे गरजेचे आहे. पुढे करिअरच्या अनेक संधी आहेत. गरज आहे ती कठोर परिश्रमाची आणि नवनवीन संधी आत्मसात करण्याची. संशोधन आणि विकास व्यवस्थापनामध्ये देखील बी फार्मसीचे विद्यार्थी अत्यंत कुशलतेने काम करू शकतात. आर्टिफिशियल इंटेलिजन्सच्या आजच्या काळात जर स्पर्धा करायची असेल तर तुम्ही स्वतःला वेळोवेळी अपडेट करणे व इंग्रजीमध्ये संभाषण कौशल्य वाढवणे गरजेचे आहे, असे मत प्रवरा ग्रुप ऑफ फार्मसी इन्स्टिट्यूशन्सचे कॅम्पस संचालक डॉ. बसवराज पाटील यांनी व्यक्त केले.
बेल्हे येथील समर्थ इन्स्टिट्यूट ऑफ फार्मसीमध्ये पदवी प्रदान समारंभ
बेल्हे (ता. जुन्नर) येथील समर्थ रुरल एज्युकेशनल इन्स्टिट्यूट संचलित समर्थ इन्स्टिट्यूट ऑफ फार्मसी येथील औषध निर्माणशास्त्र महाविद्यालयामध्ये डॉ. बाबासाहेब आंबेडकर तांत्रिक विद्यापीठ लोणेरे अंतर्गत नुकताच पदवी प्रदान समारंभ पार पडला. मान्यवरांच्या हस्ते दीप प्रज्वलन आणि सरस्वती पूजनाने या कार्यक्रमाची सुरुवात झाली. या वेळी संकुलाचे प्रवेशद्वार ते महाविद्यालयापर्यंत प्रमुख मान्यवर, प्राचार्य, विभागप्रमुख, परीक्षा विभाग प्रमुख, प्राध्यापक व विद्यार्थ्यांसमवेत मिरवणूक काढण्यात आली.
या वेळी विद्यार्थ्यांशी संवाद साधताना डॉ. पाटील म्हणाले की, विविध सरकारी व खासगी वैद्यकीय संस्थांमध्ये फार्मासिस्ट म्हणून विद्यार्थ्यांची भूमिका अत्यंत महत्त्वाची आहे. औषध निरीक्षक म्हणून किंवा सहाय्यक, उप-औषध नियंत्रक म्हणून सरकारी नोकरी मिळू शकते. क्लीनिकल रिसर्च असोसिएट म्हणून देखील बी फार्मसीच्या विद्यार्थ्यांना अत्यंत चांगले करिअर करता येते. संगणक कौशल्यात पारंगत असणे देखील तितकेच महत्त्वाचे आहे.
कार्यक्रम यशस्वी करण्यासाठी प्रा. सागर तांबे, परीक्षा विभागप्रमुख प्रा. शितल गायकवाड तसेच तृतीय व अंतिम वर्षातील फार्मसीच्या विद्यार्थ्यांनी नियोजन केले. या वेळी संस्थेचे अध्यक्ष वसंतराव शेळके, उपाध्यक्ष माऊली शेळके, सचिव विवेक शेळके, विश्वस्त वल्लभ शेळके, कॅम्पस डायरेक्टर प्रा. राजीव सावंत, तांत्रिक संचालक डॉ. चंद्रशेखर घुले, अभियांत्रिकीचे प्राचार्य डॉ. धनंजय उपासनी, पॉलिटेक्निकचे प्राचार्य अनिल कपिले, आयटीआयचे विष्णू मापारी, समर्थ इन्स्टिट्यूट ऑफ फार्मसीचे विभागप्रमुख डॉ. सचिन दातखिळे, शैक्षणिक समन्वयक प्रा. राहुल लोखंडे उपस्थित होते.
प्रास्ताविक समर्थ इन्स्टिट्यूट ऑफ फार्मसीचे प्राचार्य डॉ. हतपक्की बसवराज यांनी केले. सूत्रसंचालन प्रा. प्राची पडवळ यांनी केले. प्रा. श्रद्धा खळदकर यांनी आभार मानले.
अधिक बातम्या वाचण्यासाठी येथे क्लिक करा :
Junnar News : जुन्नरचे आमदार अतुल बेनके बनले हजारो बहिणींचे भाऊराया…
Junnar News : क्रांती दिनानिमित्त भागुबाई पिंगळे महाविद्यालयात रक्तदान शिबिर संपन्न..
