पुणे : नोकरीच्या शोधात असलेल्या इच्छुकांसाठी ही महत्त्वाची बातमी असणार आहे. कारण, आर्मी पब्लिक स्कूल, कामठी येथे विविध रिक्त पदांसाठी भरती केली जात आहे. आवश्यक पात्रता असलेल्या उमेदवारांना नोकरी मिळण्याची शक्यता आहे. या भरती प्रक्रियेत एकूण 25 पदे भरली जाणार असून, यामध्ये निवड झालेल्या उमेदवाराला पगारही चांगला मिळणार आहे.
आर्मी पब्लिक स्कूल, कामठी येथे पूर्व प्राथमिक शिक्षक, विशेष शिक्षक, समुपदेशक, संगीत, नृत्य, ग्रंथपाल, विज्ञान प्रयोगशाळा परिचर यांसह इतर काही पदांसाठी भरती केली जात आहे. यात ऑफलाईन पद्धतीने अर्ज करता येणार आहे. या पदासाठी अर्ज करण्याच्या प्रक्रियेला सुरुवात झाली असून, 20 डिसेंबर 2023 ही अर्ज करण्यासाठी शेवटची तारीख असणार आहे. यामध्ये निवड झालेल्या उमेदवाराला कामठी, नागपूर येथे जाऊन नोकरी करावी लागणार आहे.
या भरती प्रक्रियेत वयोमर्यादाही निश्चित करण्यात आली आहे. 40 ते 57 वर्षे असलेल्या उमेदवाराला नोकरी मिळू शकणार आहे. उमेदवाराची निवड ही मुलाखतीच्या माध्यमातून केली जाणार आहे. यासाठी अर्ज करण्याची ऑफलाईन पद्धत असल्याने संबंधित उमेदवारांनी आपले अर्ज 20 डिसेंबरपर्यंत पोहोचतील अशा रितीने पाठवावे, असा सल्ला दिला जात आहे.
कुठं पाठवण्याचा अर्ज?
– आर्मी पब्लिक स्कूल, द मॉल रोड, कामठी कॅन्ट, कामठी – 441001
या भरती प्रक्रियेबाबत अधिक माहितीसाठी अधिकृत वेबसाईट http://www.apskamptee.in/ वरून माहिती घेता येऊ शकणार आहे.
