अमित मुंडीक
पुणे : टिंबर मार्केट परिसरातून आयशर कंपनीचा १०९५ मॉडेलचा ट्रक (क्रमांक MH14CP5655) चोरीला गेल्याची घटना उघडकीस आली आहे. याप्रकरणी वाहनमालक निलेश दिलीप बांबुरकर (वय ३७, रा. नायगड कॉलनी, गंगानगर, फुरसुंगी, हडपसर, पुणे) यांनी पोलिसात तक्रार दाखल केली आहे.
तक्रारीनुसार, बांबुरकर हे रोजप्रमाणे आपला ट्रक घेऊन कामासाठी गेले होते. दिनांक २ नोव्हेंबर २०२५ रोजी त्यांनी आपला ट्रक टिंबर मार्केट येथील ‘रिअल मार्केटिंग’ गोदामासमोर सार्वजनिक रस्त्याच्या कडेला पार्क करून लॉक केला आणि घरी परतले.
मात्र, दुसऱ्या दिवशी म्हणजेच ३ नोव्हेंबर रोजी सकाळी सुमारास १० वाजता ते त्या ठिकाणी गेले असता ट्रक गायब असल्याचे त्यांच्या लक्षात आले. परिसरातील नागरिकांकडे चौकशी केली असता कोणालाही ट्रकबद्दल माहिती नसल्याचे समजले. बांबुरकर यांनी नंतर संपूर्ण टिंबर मार्केट परिसरात शोध घेतला, मात्र वाहनाचा काहीच मागोवा लागला नाही.
