अरुण भोई
Grampanchayat Election: दौंड : दौंड तालुक्यातील ग्रामपंचायत निवडणुकीत भाजपचे आमदार राहुल कुल गटाची सरशी झाल्याचे दिसून येत आहे. आज दहा ग्रामपंचायतींसाठी दौंड येथील तहसील कार्यालयात मतमोजणी सुरू झाली होती. या दहा ग्रामपंचायतींच्या निकाला आहे. यामध्ये ८ ठिकाणी भाजप आमदार राहुल कुल यांच्या गटाची सरपंचपदी वर्णी लागली आहे तर राष्ट्रवादीचा फक्त एक सरपंच निवडून आला असून, केडगाव याठिकाणी अपक्ष उमेदवार सरपंचपदी विजयी झाला आहे.
दरम्यान, वाटलूज ग्रामपंचायतीची निवडणूक बिनविरोध झाली होती. ही ग्रामपंचायत भाजपा आमदार राहुल कुल यांच्या ताब्यात आल्याने भाजप आमदार राहुल कुल गटाकडे एकूण ९ ग्रामपंचायतींचा ताबा आला आहे. यामुळे आमदार राहुल कुल यांनी तालुक्यावर पुन्हा एकदा भाजपचेच वर्चस्व असल्याचे सिद्ध केले आहे, अशी चर्चा दौंड तालुक्यातील मतदारांमध्ये आहे. (Grampanchayat Election)
