Crime News | पुणे : पुण्यातून धक्कादायक बातमी समोर आली आहे. कबूतरांच्या चोरीवरून झालेल्या वादातून तीन तरुणांनी एकाला कोयत्यासारख्या शस्त्राने सपासप ( Crime )वार करून गंभीर जखमी केल्याची घटना घडली. लोहगावात हा प्रकार घडला असून, यात तरुण जखमी झाला आहे. या घटनेनंतर परिसरात एकच खळबळ उडाली आहे.
याप्रकरणी विमानतळ पोलीस ठाण्यात साहील सतीश गायकवाड (वय २२, रा. लोहगाव) यांनी तक्रार दिली आहे. त्यावरून तिघांविरोधात गुन्हा नोंद केला आहे.
कोयत्यासारख्या शस्त्राने सपासप वार…
मिळालेल्या माहितीनुसार, साहील हा स्मशानभूमीजवळून दुचाकीने जात होता. त्यावेळी तिघांनी त्याची दुचाकी आडवली. कबुतर चोरल्यावरून वाद झाल्या प्रकरणाचा राग मनात धरून पुन्हा वाद घातला. दोघांनी पकडून एकाने शिवीगाळ करत तुला आता धडाच शिकवतो म्हणत कोयत्या सारख्या शस्त्राने त्याच्यावर वार केले.
यामध्ये साहील हा गंभीररित्या जखमी झाला. त्यानतंर आरोपी तेथून पसार झाले. तक्रारदार व आरोपींमध्ये कबुतर चोरल्यावरून काही दिवसांपुर्वी वाद झाल्याचे पोलिसांनी सांगितले. पुढील तपास पोलीस करत आहेत.
अधिक बातम्या वाचण्यासाठी येथे क्लिक करा…
Pune Crime : बिबट्याच्या हल्ल्यात गरोदर महिला जखमी ; पुण्याच्या आंबेगाव परिसरातील घटना
Pune Fraud News | पुणे : विजय वर्ल्डच्या मालकावर फसवणूकीचा गुन्हा; १८ लाखांच्या फसवणूकीचा आरोप
