प्रतिनिधी अमित मुंडीक
Crime news : वाघोली पोलीस स्टेशन, पुणे शहर हद्दीत अवैध दारूविक्री करणाऱ्यावर पोलिसांनी मोठी कारवाई केली असून एकूण २१,८४० रुपये किंमतीचा मुद्देमाल जप्त करण्यात आला आहे.
दि. २४/१२/२०२५ रोजी वरिष्ठांच्या सूचनेनुसार वाघोली पोलीस स्टेशनचे तपास पथक आव्हळवाडी, मांजरी परिसरात पेट्रोलिंग करत असताना पोलीस अंमलदार अशोक शेळके यांना गोपनीय माहिती मिळाली की, व्हीटीपी रोड, आव्हळवाडी येथे पत्र्याच्या शेडजवळ अवैध दारूविक्री सुरू आहे.त्यानुसार पोलीस उपनिरीक्षक मनोज बागल, पोलीस अंमलदार राम ठोंबरे, अशोक शेळके, गहिनाथ बोयणे यांनी सदर ठिकाणी छापा टाकला.
छाप्यात आप्पा कल्याण साळवे (वय ४७), रा. पत्रावस्ती, थेऊर, ता. हवेली, जि. पुणे हा इसम अवैधरित्या देशी-विदेशी दारू व गावठी हातभट्टीची दारू विक्री करत असल्याचे आढळून आले.
त्याच्याकडून १६,८४० रुपये किंमतीच्या देशी-विदेशी दारूच्या २४४ बाटल्या तसेच ४,९०० रुपये किंमतीची गावठी हातभट्टी तयार दारूचे २४५ पाऊच असा एकूण २१,८४० रुपये किंमतीचा मुद्देमाल जप्त करण्यात आला आहे.
ही कारवाई मा. अपर पोलीस आयुक्त (पूर्व प्रादेशिक विभाग) श्री. मनोज पाटील, मा. पोलीस उप आयुक्त परीमंडळ ७ श्री. सोमय मुंडे, मा. सहा. पोलीस आयुक्त लोणीकंद विभाग श्री. नूतन पवार यांच्या मार्गदर्शनाखाली व वरिष्ठ पोलीस निरीक्षक श्री. युवराज हांडे यांच्या नेतृत्वाखाली करण्यात आली.
या कारवाईत तपास पथकातील पोलीस अधिकारी व अंमलदारांनी सक्रिय सहभाग घेतला.
