मुंबई Big News : पोलीस दलातून मोठी बातमी समोर आली आहे. गृह विभागाडून वरिष्ठ पोलीस अधिकाऱ्यांच्या बदल्यांचे आदेश काढले आहेत. यामध्ये काही अधिकाऱ्यांना पदोन्नती सुद्धा देण्यात आली आहे. (Big News) छत्रपती संभाजीनगर पोलीस आयुक्तालात पोलिस आयुक्त म्हणून मनोज लोहिया यांची नियुक्ती करण्यात आली आहे.
बदली किंवा नियुक्ती झालेल्या अधिकाऱ्यांची नावे
पोलिस आयुक्त निखील गुप्ता यांच्या जागी त्यांची बदली करण्यात आली आहे. गृह विभागाकडून पोलीस आयुक्त निखील गुप्ता यांच्या नियुक्तीचे स्वतंत्रपणे आदेश काढण्यात येणार असल्याचे आदेशात म्हटले आहे. याविषयीचे आदेश २४ एप्रिल (सोमवार) रोजी काढण्यात आले.
पिंपरी चिंचवडचे पोलिस सहआयुक्त असलेले मनोज लोहिया हे शहराचे नवे पोलिस आयुक्त असणार आहेत. विद्यमान पोलिस आयुक्त डॉ. निखिल गुप्ता यांच्या जागी ते पदभार स्विकारतील. तर, छत्रपती संभाजीनगर परिक्षेत्राचे विशेष पोलिस महानिरीक्षक के.एम. मल्लिकार्जुन प्रसन्ना यांची देखील बदली करण्यात आली आहे. त्यांची नियुक्ती पोलिस महासंचालक कार्यालयात विशेष पोलिस महानिरीक्षक (आस्थापना) येथे करण्यात आली आहे. छत्रपती संभाजीनगरचे विशेष पोलिस महानिरीक्षक म्हणून बृहमुंबईत अप्पर आयुक्त म्हणून कार्यरत असलेल्या डी.एस. चव्हाण यांची नियुक्ती करण्यात आली आहे.
ठाण्याचे पोलीस आयुक्त जयजीत सिंह यांना पदोन्नती देण्यात आली आहे. सोबतच दहशतवाद विरोधी पथकाचे अपर महासंचालक सदानंद दाते आणि आर्थिक गुन्हे शाखेचे अपर महासंचालक बिपीन कुमार सिंह यांना देखील पदोन्नती देण्यात आली आहे. या विषयीचे आदेश राज्य शासनाने काढले आहेत.
