जीवन सोनवणे
Bhor News : भोर, (पुणे) : शिवसेनेच्या (शिंदे गट) भोर तालुकाप्रमुख पदी दशरथ जाधव यांची निवड करण्यात आली आहे. निवडीचे पत्र मुख्यमंत्री एकनाथ शिंदे त्यांचे स्वीय सहायक नचिकेत पाटील, शिवसेना जिल्हा प्रमुख बाळासाहेब चांदेरे यांच्या हस्ते पुण्यात देण्यात आले.
येणाऱ्या निवडणुकांमध्ये पक्ष पूर्ण ताकतीने उतरणार
यावेळी पुणे युवा सेना जिल्हाप्रमुख संतोष घारे व जिल्हा नियोजन समिती सदस्य अमोल पांगारे महिला जिल्हाप्रमुख व इतर तालुकास्तरीय पदाधिकारी उपस्थित होते.
तसेच भोर तालुका व इतर तालुक्यातील निवडी यावेळी करण्यात आल्या. वेल्हा तालुकाप्रमुख पदी सुनील शेंडकर यांची गणेश मसुरकर यांची भोर विधानसभा प्रमुख पदी निवड करण्यात आली. (Bhor News) तर कामगार सेना प्रमुख पदी ओंकार तांदळे व विभाग प्रमुख पदी राजेंद्र पवार यांची नियुक्ती करण्यात आली. विद्यार्थी सेना उपतालुका प्रमुख पदी विशाल पवार यांची निवड करण्यात आली.
दशरथ जाधव यांनी भोर तालुक्यात सामाजिक कार्यात नेहमीच अग्रेसर राहून सर्वसामान्यांच्या अडचणींना प्रशासन दरबारी न्याय मिळवून देण्याचा प्रयत्न केला आहे. (Bhor News) तसेच करोना काळात त्यांनी तालुक्यात मुख्य भूमिका देखील बजावलेली आहे. त्यांच्या या कामांची दखल घेऊन शिवसेना जिल्हा प्रमुख बाळासाहेब चांदोरे यांनी जाधव यांच्याकडे तालुका प्रमुख पदाची धुरा सोपविली आहे.
दरम्यान, निवडीनंतर बोलताना नवनिर्वाचित तालुकाप्रमुख दशरथ जाधव म्हणाले, ” येणाऱ्या विधानसभेमध्ये व लोकसभेमध्ये पूर्ण ताकतीने पक्ष उतरणार आहे. (Bhor News) तसेच पक्ष वाढीसाठी पूर्ण ताकदीने कामे तळागाळातील नागरिकांपर्यंत पोहोचविणार आहे.
अधिक बातम्या वाचण्यासाठी येथे क्लिक करा :
Bhor News : नसरापूरच्या स्वच्छतेसाठी गाव एकवटले; ३५ टन कचऱ्याची विल्हेवाट
Bhor News : भोरचे पोलीस निरीक्षक शंकर पाटील यांचा पर्यावरण पुरक उपक्रम
Bhor News : खरेदी विक्री संघाचे काम चांगल्या प्रकारे – आमदार संग्राम थोपटे
