Bhigwan News : ..अखेर विहीर मालक व कंत्राटदारावर सदोष मनुष्यवधाचा गुन्हा दाखल ; विहीर मालकाला अटक

Bhigwan News : भिगवण : म्हसोबावाडी (ता. इंदापूर) येथे विहीर दुर्घटनेत चार मजुरांच्या मृत्यूसाठी कारणीभूत ठरल्याप्रकरणी विहीर मालक व कंत्राटदारावर सदोष मनुष्यवधाचा गुन्हा दाखल करण्यात आला आहे. तर विहीर मालकाला पोलिसांनी अटक केली आहे. अशी माहिती भिगवण पोलीस ठाण्याचे सहाय्यक पोलीस निरीक्षक दिलीप पवार यांनी दिली आहे.

भिगवण पोलीस आरोपीच्या मागावर

विहीर मालक गिरीश विजय क्षीरसागर (वय-३२, रा. सणसर, ता. इंदापुर, जि. पुणे व कंत्राटदार विश्वास गायकवाड, (रा. बेलवाडी ता. इंदापुर, जि. पुणे) असे गुन्हा दाखल झालेल्या आरोपींची नावे आहेत. तर विहीर दुर्घटनेत सोमनाथ लक्ष्मण गायकवाड (वय ३५), जावेद अकबर मुलानी (वय ३५ ), परशुराम बन्सीलाल चव्हाण (वय ३०), मनोज मारुती सावंत (वय ४०, सर्व रा. बेलवाडी, ता. इंदापूर) अशी मृत्यू झालेल्या कामगारांची नावे आहेत.

पोलिसांनी दिलेल्या माहितीनिसार, म्हसोबावाडी येथील विहिरीच्या रिंग बांधण्याचे काम सुरु असताना मातीचा ढिगारा ढासळून त्याखाली वरील  ४ मजूर गाडले गेले होते. मंगळवारी घडलेल्या या घटनेची माहिती पोलिसांना त्याच रात्री उशिरा मिळाली होती.

 

या घटनेची माहिती मिळताच, भिगवण पोलीस तातडीने सर्व प्रशासकीय यंत्रणाना माहिती देत मजुरांच्या शोध कार्याला सुरुवात केली होती. (Bhigwan News) अक्राळविक्राळ विहीर आणि गाडल्या गेलेल्या मजुरांना जिवंत काढण्यासाठी प्रशासन सर्वोतोपरी प्रयत्न करीत होते.

पुणे येथून यासाठी एन डी आर एफ पथकाला पाचारण करण्यात आले होते. मात्र अनेक प्रयत्न करूनही कामगारांना जिवंत काढणे प्रशासनाला शक्य झाले नाही आणि जवळपास ७० तास चाललेल्या बचाव आणि शोध पथकाच्या हाती चारही मजुरांचे मृतदेह मिळून आले.

यावेळी नातेवाइकांनी मृतदेह ठेवलेल्या अम्बुलंस समोर लोटांगण घेत, न्याय देण्याची मागणी केली. तर विहीर मालक आणि कंत्राटदार याना आपल्या ताब्यात देण्याची मागणी केली. (Bhigwan News) पोलीस प्रशासन आणि महसूल प्रशासनाने नातेवाईकांची समजूत काढून या प्रकारणी दोषींवर कठोर शासन करण्याची ग्वाही दिली.

त्यानंतर भिगवण पोलिसांनी विहीर मालक गिरीश क्षीरसागर आणि रिंगचे कंत्राट घेणाऱ्या विश्वास गायकवाड विरोधात याठिकाणी काम करताना मजुरांच्या जीवाला धोका होवू शकतो याची कल्पना असताना आणि कोणत्याही प्रकारची सुरक्षेच्या बाबींचा उपयोग न केल्यामुळे मजुरांच्या मृत्यूस कारणीभूत ठरल्यामुळे सदोष मनुष्यवधाचा गुन्हा दाखल केला आहे.

दरम्यान, गुन्हा दाखल होताच, भिगवण पोलिसांनी विहीरमालक गिरीश क्षीरसागर याला अटक केली आहे. तर कंत्राटदार विश्वास गायकवाड झाला आहे. (Bhigwan News) पोलीस आरोपीच्या मागावर आहेत. पुढील तपास भिगवण पोलीस करीत आहेत.

अधिक बातम्या वाचण्यासाठी येथे क्लिक करा :

Bhigwan News : पळसदेव येथील पळसनाथ विद्यालयाची विद्यार्थिनी वैष्णवी सपकळ व वैष्णवी गायकवाड सारथी शिष्यवृत्ती परीक्षेत उत्तीर्ण

Bhigwan News : जिल्ह्यातील शिक्षकांचे प्रलंबित सर्व प्रश्न लवकर सोडविणार – उपशिक्षणाधिकारी संजयकुमार काळे

Bhigwan News : लोकशाहीर अण्णाभाऊ साठे जयंती निमित्त तक्रारवाडीत 41 बाटल्यांचे रक्तसंकलन