पुणे : गणेश विसर्जन 2025 मिरवणुकीदरम्यान वाहतूक कोंडी टाळण्यासाठी पुणे वाहतूक पोलिसांनी शहरात 27 ठिकाणी विशेष पार्किंग व्यवस्था केली आहे. या ठिकाणी भाविक आपली दुचाकी आणि चारचाकी वाहने पार्क करू शकतात. या नियोजनामुळे मिरवणुकीच्या मार्गावर वाहतूक सुरळीत राहण्यास मदत होईल. अशी माहिती वाहतूक विभागाने दिली आहे.
दुचाकी पार्किंगची व्यवस्था सर्वच ठिकाणी आहे. तसेच काही ठिकाणी चारचाकी वाहनांसाठीही स्वतंत्र सोय करण्यात आली आहे. भाविक आपल्या गाड्या कुठे पार्क करू शकतात पाहुयात…
न्यू इंग्लिश स्कूल, रमणबाग
निलायम टॉकीज – (चारचाकी)
शिवाजी आखाडा वाहनतळ
देसाई कॉलेज – पोलिस पार्किंग 17
विमलाबाई गरवारे हायस्कूल
हमालवाडा, पत्र्यामारुती चौकाजवळ – (चारचाकी)
आबासाहेब गरवारे कॉलेज – (चारचाकी)
संजीवनी मेडिकल कॉलेज मैदान – (चारचाकी)
गोगटे प्रशाला
आपटे प्रशाला
फर्ग्युसन कॉलेज – (चारचाकी)
एसएसपीएमएस, शिवाजीनगर – (चारचाकी)
जैन हॉस्टेल, बीएमसीसी रस्ता – (चारचाकी)
एस.पी. कॉलेज – (चारचाकी)
मराठवाडा कॉलेज
पीएमपीएमएल मैदान, पुरम चौकाजवळ – (चारचाकी)
पेशवा पथ
रानडे पथ
पेशवे पार्क, सारसबाग
हरजीवन रुग्णालयासमोर, सावरकर चौक
काँग्रेस भवन रस्ता
पाटील प्लाझा पार्किंग
पर्वती ते दांडेकर पूल
दांडेकर पूल ते गणेशमळा
न्यू इंग्लिश स्कूल, टिळक रस्ता – (चारचाकी)
नदी पात्र, भिडे ते गाडीतळ पूल – (चारचाकी)
गणेशमळा ते राजाराम पूल
दरम्यान, वाहतूक पोलिसांनी नागरिकांना या नियोजित पार्किंग ठिकाणांचा वापर करण्याचे आवाहन केले आहे. यामुळे विसर्जन मिरवणुकीदरम्यान वाहतूक व्यवस्था सुरळीत राहील आणि भाविकांना गणरायाचे दर्शन घेण्यासाठी कोणताही अडथळा येणार नाही. तसेच, अनधिकृत पार्किंग टाळून प्रशासनाला सहकार्य करण्याची विनंतीही करण्यात आली आहे.
तसेच गणेश विसर्जनाच्या दिवशी, 6 सप्टेंबर 2025 रोजी सकाळी 6 वाजल्यापासून 7 सप्टेंबर 2025 रोजी रात्री 11 वाजेपर्यंत पुणे मेट्रो 41 तास अखंड सेवा देणार आहे. यामुळे भाविकांना मध्यवर्ती भागात येण्यासाठी आणि परत जाण्यासाठी सोयीस्कर पर्याय उपलब्ध होईल.
