पुणे : श्रीलंकेचे पंतप्रधान रानिल विक्रमसिंघे यांनी आपल्या पदाचा राजीनामा दिला आहे. आर्थिक संकटाच्या पार्श्वभूमीवर विक्रमसिंघे यांनी यावर्षी १२ मे रोजी श्रीलंकेचे पंतप्रधानपद स्वीकारले. त्यांच्या आधी महिंद्रा राजपक्षे हे देशाचे पंतप्रधान होते. विक्रमसिंघे यांना ५९ दिवसांत पंतप्रधानपद सोडावे लागले. श्रीलंका सध्या सर्वात मोठ्या आर्थिक संकटाचा सामना करत आहे. त्यावर एकूण 51 अब्ज डॉलर्सचे विदेशी कर्ज आहे.
या देशाला सध्या वर्षाला ४ अब्ज डॉलर्सची गरज आहे. आर्थिक संकटामुळे श्रीलंकेतील सर्वसामान्य जनतेला महागाई, इंधन, आरोग्य यासह सर्व मूलभूत गरजांसाठी संघर्ष करावा लागत आहे. रानिल विक्रमसिंघे यांच्या आधी महिंद्रा राजपक्षे देशाचे पंतप्रधान होते. देशाच्या विविध भागात जोरदार निदर्शने झाल्यानंतर त्यांना खुर्ची सोडावी लागली. संतप्त जमावाने त्यांचे वडिलोपार्जित घरही जाळले. एवढेच नाही तर त्यांच्या सरकारमधील अनेक मंत्र्यांचीही जाळपोळ करण्यात आली.
दरम्यान, सर्व विरोधानंतरही, महिंद्र राजपक्षे यांचे भाऊ गोटाबाया राजपक्षे हे अजूनही राष्ट्रपतींच्या खुर्चीवर आहेत. 2019 मध्ये श्रीलंकेचे अध्यक्ष गोटाबाया राजपक्षे यांची प्रचंड बहुमताने राष्ट्रपती म्हणून निवड झाली. त्याआधी २०१४ साली इस्टरच्या निमित्ताने देशात भीषण दहशतवादी हल्ले झाले होते. या हल्ल्यामुळे निर्माण झालेल्या वातावरणादरम्यान, राजपक्षे यांनी देशातील बहुसंख्य सिंहली बौद्ध लोकसंख्येची सुरक्षा मजबूत करण्याचे आश्वासन दिले. परंतु त्यांचे प्रशासन आर्थिक आघाडीवर पूर्णपणे अपयशी ठरले. दरम्यान, कोरोना महामारी आली, त्यामुळे पर्यटन ठप्प झाले. श्रीलंकेच्या परकीय चलनाच्या साठ्यावर त्याचा फार वाईट परिणाम झाला.
कोण आहेत रानिल विक्रमसिंघे :-
श्रीलंकेच्या पंतप्रधानपदावरून पायउतार होणारे रनिल विक्रमसिंघे हे त्यांच्या पक्षाचे एकमेव खासदार आहेत. त्यांनी पाचव्यांदा श्रीलंकेची सत्ता हाती घेतली. वकील आणि राजकारणी झालेले विक्रमसिंघे ४५ वर्षांपासून संसदेत आहेत.
