राहुलकुमार अवचट
Rahul Kul : यवत, (पुणे) : प्रमुख जिल्हा मार्ग रस्ते अंतर्गत दौंड तालुक्यातील प्रमुख जिल्हा मार्गाच्या दुरुस्ती व मजबुतीकरणासाठी सुमारे ५२ कोटी रुपयांचा निधी राज्याच्या जुलै २०२३ च्या पुरवणी अर्थसंकल्पीय अधिवेशनात मंजूर करण्यात आला, अशी माहिती दौंड तालुक्याचे आमदार राहुल कुल यांनी दिली. Rahul Kul
दौंड तालुक्यातील काही प्रमुख जिल्हा मार्गाच्या दुरुस्ती व मजबुतीकरणासाठी निधी मिळावा अशी मागणी राहुल कुल यांनी राज्याचे उपमुख्यमंत्री देवेंद्र फडणवीस व सार्वजनिक बांधकाममंत्री रवींद्र चव्हाण यांच्याकडे केली होती. त्यानुसार प्रमुख जिल्हा मार्गाच्या दुरुस्ती व मजबुती करणासाठी सुमारे ५२ कोटी रुपयांचा निधी मंजूर करण्यात आला आहे.
यामध्ये निधी मंजूर करण्यात आलेले रस्ते पुढीलप्रमाणे :
१) बोरीबेल दौंड शुगर रस्ता ते धुमाळवस्ती, आलेगाव ते कदमवस्ती ते हिंगणीबेर्डी, कदमवस्ती ते देऊळगाव राजे रस्त्याची सुधारणा करणे २१ कोटी
२) शिंदेनगर ते राहु शाळा रस्त्याची सुधारणा करणे ३ कोटी ५० लक्ष
३) पडवी ते माळवाडी रस्त्याची सुधारणा करणे ४ कोटी
४) बोरीऐंदी ते डांळीब गावाजवळ पर्यंत रस्त्याची सुधारणा करणे ३ कोटी ५० लक्ष
५) पांढरेवाडी ते कुरकुंभ रस्त्याची सुधारणा करणे २ कोटी ५० लक्ष
६) सुर्वे वस्ती ते फडके वस्ती रस्त्याची सुधारणा करणे ५ कोटी
७) भोसले चौक उंडवडी ते लडकतवाडी ते खुटबाव रस्त्याची सुधारणा करणे ५ कोटी
८) मिरवडी ते दहिटणे पर्यंत रस्त्याची सुधारणा करणे १ कोटी ५० लक्ष
९) कुरकुंभ ते कौठडी रस्त्याची सुधारणा करणे २ कोटी
१०) नानवीज ते गार रस्त्याची सुधारणा करणे २ कोटी
११) गिरिम ते धनगरवस्ती गिरिम रस्त्याची सुधारणा करणे २ कोटी अशाप्रकारे निधी मंजूर करण्यात आला असून, मंजूर झालेल्या रस्त्यांची कामे सार्वजनिक बांधकाम पूर्व विभाग पुणे यांच्यामार्फत करण्यात येणार आहे. लवकरच या कामाची निविदा प्रक्रिया पूर्ण करून कामाला प्रत्यक्ष सुरुवात केली जाईल, असे आमदार राहुल कुल यांनी यावेळी सांगितले. Rahul Kul
