इंडोनेशिया: इंडोनेशियामध्ये जावा बेटावर असलेल्या माउंट सेमेरू या ज्वालामुखीचा बुधवारी उद्रेक झाला आहे. या घटनेचे भयानक दृश्ये सध्या सोशल मीडियावर मोठ्या प्रमाणात व्हायरल होत आहेत. हा उद्रेक स्थानिक वेळेनुसार दुपारी 2:13 वाजता झाला. . या घटनेत विनाशकारी पायरोक्लास्टिक प्रवाह बाहेर पडला. या भयंकर दृश्यांमुळे संपूर्ण परिसरामध्ये घबराट पसरली असून, अधिकाऱ्यांनी कोणतीही जीवितहानी होऊ नये म्हणून तातडीने धोक्याचा इशारा जारी केला व सर्व नागरिकांना जागरूक राहण्याचा सल्ला दिला.
पाहा व्हिडीओ:
#Indonesia 🇮🇩 #volcano_eruption live : The webcam footage of a pyroclastic flow from Mount Semeru’s eruption showing superheated ash and rocks surging down the slope at high speeds amid surrounding vegetation. pic.twitter.com/XJtCajzjrZ
— 𝐒𝐡𝐚𝐤𝐢𝐫 𝐀𝐡𝐦𝐞𝐝 𝐁𝐨𝐫𝐛𝐡𝐮𝐲𝐚𝐧 (@Shk__R) November 19, 2025
8 किलोमीटरच्या परिसरात ‘नो एंट्री’
इंडोनेशियन सरकारने निवेदनात स्पष्टपणे म्हटले आहे की, “माउंट सेमेरू पर्वताच्या शिखरापासून 8 किलोमीटरच्या परिघात लोकांनी जाऊ नये.” उद्रेकामुळे, परिसरामध्ये दगड आणि राख यांचा वर्षाव होण्याचा मोठा धोका आहे. व्हिडीओमध्ये ज्वालामुखीच्या उद्रेकाची तीव्रता स्पष्टपणे दिसून येत आहे. ज्वालामुखीचा उद्रेक ही एक विनाशकारी घटना असून यामुळे मोठ्या प्रमाणात हानी होण्याची शक्यता असते. या घटनेनंतर इंडोनेशिया सरकारने लोकांना अत्यंत सावधगिरी बाळगण्याचे आवाहन केले आहे.
