Punjab Accident : पंजाब : पंजाबमध्ये मोठी दुर्घटना घडली आहे. 100 वाहने एकमेकांवर आदळून विचित्र अपघात झाला आहे. पंजाबमधील लुधियाणामध्ये हा अपघात झाला आहे. धुक्यामुळे वाहने एकमेकांवर आदळल्याची माहिती समोर येत आहे. लुधियाणामधील खन्ना येथे हा अपघात झाला आहे. यामध्ये एकाचा मृत्यू झाला आहे. अमृतसह-दिल्ली राष्ट्रीय महामार्गावर हा अपघात घडला आहे.
VIDEO | Casualties feared after several vehicles collided with each other due to fog in Khanna, Ludhiana. More details are awaited. pic.twitter.com/Wwdvnyurlq
— Press Trust of India (@PTI_News) November 13, 2023
पंजाबमधील खन्ना जिल्ह्यात पहाटेच्या सुमारास दाट घुक्यांची चादर पसरली. धुक्यामुळे दृश्यमानता कमी झाली होती. त्यात अनेक वाहने एकमेकांवर आदळल्याने काही जण जखमी झाले असून त्यांच्यावर जवळच्या रुग्णालयात उपचार सुरु आहेत. या अपघाता सुमारे 12 जण जखमी झाले आहेत. अनेक वाहनांची मोडतोड झाली. या अपघातात दुर्घटनाग्रस्त झालेल्या वाहनामध्ये पंजाब रोडवेजच्या बसचाही समावेश आहे.
20-25 किलोमीटर अंतरापर्यंत वाहने एकमेकांवर आदळली
तब्बल 20-25 किलोमीटर अंतरापर्यंत वाहने एकमेकांवर आदळली होती. धुक्यामुळे समोरचं दिसत नसल्याने मागून येणाऱ्या गाड्या धडाधड एकमेकांवर आदळल्या. फटाक्यांमुळे प्रदूषणात वाढ आणि धुके यामुळे दृष्यमानता कमी होऊन अपघात झाल्याचं सांगितलं जात आहे. यामुळे 20-25 किलोमीटरपर्यंत वाहनांच्या लांबच लांब रांगा लागल्या होत्या.
वाहतूक कोंडी
मोठ्या प्रमाणात वाहने एकमेकांवर आदळल्याने रस्त्यावर काही काळ वाहतूक कोडींची समस्याही निर्माण झाली होती. प्रशासन आणि पोलिसांनी खराब झालेली वाहने एका बाजूला काढल्यानंतर आता वाहतूक व्यवस्था सुरळीत झाली आहे. या अपघातात जीवितहानीबरोबरच मोठ्या प्रमाणात आर्थिक हानीही झाल्याची माहिती समोर येत आहे.
