मॉस्को: प्रत्येकाचे शरीर हे वेगवेगळे असते. कुणी कितीही खाल्ले तरी तो पटकन लठ्ठ होत नाही किंवा सडपातळही होत नाही. आपले शरीर ही कृती सहज स्वीकारत नाही. एका घटनेत एक रशियन महिला एवढी सडपातळ झाली की चालत्या फिरत्या सांगाड्यासारखी दिसायला लागली.
ही गोष्ट रशियात राहणाऱ्या यांना बोब्रोव्हाची आहे. २०२३ मध्ये तिचे फोटो सोशल मीडियावर व्हायरल झाले. त्यानंतर ती चर्चेत आली. पतीच्या एका कमेंटवर तिने वजन कमी करायला सुरुवात केली. त्यानंतर आज ती एखाद्या सांगाड्यासारखी दिसते. वजन कमी करण्याचा प्रयत्नात क्रॅश डायटिंग करणाऱ्यांसाठी ही घटना खूप महत्त्वाचा संदेश देणारी आहे. ‘डेली स्टार’ मध्ये प्रसिद्ध झालेल्या वृत्तानुसार, रशियात राहणाऱ्या बोब्रोव्हाने पतीला खूश करण्यासाठी स्वतःचा सांगाडा तयार करून घेतला. तिचे वजन आता लहान मुलासारखे झाले आहे. तिची उंची ५.२ इंच असून वजन २२ किलो राहिले आहे. आता तिचे रूप बघून अनेकांना धक्का बसेल.
पतीला नव्हते आवडत फुगलेले गाल
महिलेने स्थानिक मीडियाला सांगितले की, पतीने तिच्या फुगलेल्या गालांवर कमेंट केली होती. त्यानंतर तिचा आत्मविश्वास कमी झाला. यापूर्वी ती डायटिंग करत असल्याने यावेळीही तिने तीच पद्धत स्वीकारली. वजन कमी करत करत तिचे शरीर एका सांगाड्यात बदलले. एवढे होऊनसुद्धा तिच्या पतीने तिला थांबवले नाही. यानंतर तिला नोकरी सोडण्यास भाग पाडले. लोकांशी संवाद साधण्यास मनाई केली. आता ती कुपोषणाचा बळी ठरली असून तिला कुणी हे सांगणार नाही की ती एखाद्या सांगाड्यासारखी दिसते.
