Delhi Fire News : दिल्लीमधून एक भीषण आगीची घटना समोर येत आहे. दिल्लीतील अलीपूर येथील एका पेंट फॅक्टरीला गुरुवारी १५ फेब्रुवारीला सायंकाळच्या सुमारास अचानक आग लागली आहे. या आगीत तब्बल ११ कामगारांचा होरपळून मृत्यू झाला आहे. तर अनेकजण जखमी झाल्याची प्राथमिक माहिती आहे. या आगीत संपूर्ण फॅक्टरी जाळून खाक झाली आहे.
आगीची माहिती मिळताच अग्निशमन दलाचे तब्बल २२ बंब घटनास्थळी दाखल झाले. अथक प्रयत्नानंतर अग्निशमन दलाच्या जवानांन आग आटोक्यात आणण्यात यश आलं. मृतांची ओळख अद्याप पटलेली नाही. आगीत जखमी झालेल्या कामगारांना तातडीने उपचारासाठी रुग्णालयात दाखल करण्यात आले आहे.
मिळालेल्या अधिक माहितीनुसार, दिल्लीतील अलीपूर येथे एका पेंट फॅक्टरी आहे. गुरुवारी या फॅक्टरीत कामगार काम करत असताना अचानक भीषण आग लागली. ही आग एवढी भयानक होती की, मोठमोठे धुराचे लोळ बाहेर पडत होते. यामुळे कामगारांना बाहेर पडण्याची संधी मिळाली नाही. आगीच्या विळख्यात सापडल्याने ११ कामगारांचा होरपळून मृत्यू झाला. अग्निशमन दलाच्या जवानांनी आग आटोक्यात आणण्यासाठी अथक प्रयत्न केले.
रात्री नऊ वाजण्याच्या सुमारास आग आटोक्यात आल्याची माहिती अधिकाऱ्यांनी दिली. यानंतर मदत आणि बचाव कार्य सुरू होते. फॅक्टरीत झालेल्या स्फोटामुळे ही आग लागली असावी, अशी प्राथामिक माहिती पोलिसांनी दिली आहे. दरम्यान, या घटनेचा व्हिडिओ सध्या सोशल मीडियावर व्हायरल होत आहे. यामध्ये कारखान्याला लागलेली भीषण आग आणि आकाशात उंच-उंच जात असलेले धुराचे लोट दिसत आहेत.
#WATCH | Delhi: A fire broke out at the main market of Alipur. Fire tenders at the spot, efforts to douse the fire underway. pic.twitter.com/M5dvY3Q6er
— ANI (@ANI) February 15, 2024
