मुंबई : घरात एकट्या असलेल्या तरुणीला शितपेयातून गुंगीचे औषध देऊन शेजारी राहणाऱ्या दोघांनी तिच्यावर सामूहिक बलात्कार केल्याची घटना चेंबूर परिसरात घडली आहे. ही घटना 15 नोव्हेंबर ला रात्री 10 ते 12.30 वाजण्याच्या सुमारास घडली. याबाबत चेंबूर पोलीस स्टेशनमध्ये तरुणीने तक्रार दाखल केली असून दोन्ही आरोपींना अटक करण्यात आली आहे.(Chembur police Station)
याबाबत पोलिसांनी दिलेल्या अधिक माहितीनुसार, मूळची पालघर जिल्ह्यातील भोईसर येथे आई आणि बहिणीसोबत राहणारी १९ वर्षीय पीडित मुलगी तिच्या वडिलांकडे चेंबूर येथे आली होती. ती रात्री घरात एकटीच असताना शेजारी राहणारा ३० वर्षीय आरोपी तिच्याकडे स्वयंपाकाच काही साहित्य मागण्याच्या बहाण्याने आला होता.(Young girl gang-raped)
तरुणीची त्याच्याशी ओळख असल्याने दोघेही घरात गप्पा मारत बसले होते. त्यावेळी आरोपीने तिला शितपेयातून गुंगीचं औषध दिलं. त्यानंतर यादवने त्याचा मित्र प्रभाकर यादव (वय, 30) याला घरी बोलावून घेत तरुणीवर सामूहिक बलात्कार केला.
या घटनेनंतर काही वेळात तरुणी शुद्धीवर आल्यानंतर हा सर्व प्रकार तिच्या लक्षात येतांच तिने याबाबत चेंबूर पोलीस ठाण्यात धाव घेतली. दरम्यान पोलिसांना घडलेला प्रकार सांगितला. त्यानुसार पोलिसांनी बलात्काराचा गुन्हा दाखल करून दोन्ही आरोपींना अटक केली आहे.(Mumbai Rape case)
