मुंबई: मुंबईत पार पडलेल्या राष्ट्रवादी काँग्रेसच्या राष्ट्रीय (Sunetra Pawar) अधिवेशनात पक्षाच्या नेतृत्वाबाबत महत्त्वाचा निर्णय जाहीर करण्यात आला. राज्याचे ज्येष्ठ नेते आणि माजी उपमुख्यमंत्री अजित पवार यांच्या (Ajit Pawar Death) अकाली निधनानंतर रिक्त झालेल्या राष्ट्रीय अध्यक्षपदी आता सुनेत्रा अजित पवार यांची नियुक्ती करण्यात आली आहे. पक्षाचे कार्यकारी अध्यक्ष प्रफुल्ल पटेल यांनी अधिकृत घोषणा करत ही माहिती दिली. (Maharashtra Politics)
अजित पवार यांच्या निधनानंतर पक्षात निर्माण झालेल्या नेतृत्वाच्या पोकळीच्या पार्श्वभूमीवर हा निर्णय महत्त्वाचा मानला जात आहे. अधिवेशनात विविध राज्यांतील प्रतिनिधी, पदाधिकारी आणि कार्यकर्ते उपस्थित होते. पक्षाची संघटनात्मक ताकद कायम ठेवत पुढील राजकीय वाटचाल ठरवण्यासाठी स्थिर नेतृत्वाची गरज असल्याचे मत बैठकीत व्यक्त करण्यात आले.
सुनेत्रा पवार यांच्यावर आता राष्ट्रीय स्तरावर पक्षाची धुरा सांभाळण्याची जबाबदारी येणार आहे. आगामी निवडणुका, संघटन विस्तार आणि राजकीय आघाड्यांबाबत धोरणात्मक निर्णय घेण्यात त्यांची भूमिका निर्णायक ठरणार आहे. अधिवेशनात उपस्थित कार्यकर्त्यांनी नव्या नेतृत्वाचे स्वागत करत पक्ष अधिक बळकट करण्याचा निर्धार व्यक्त केला.
