सुरेश घाडगे
परंडा : स्वातंत्र्याचा अमृत महोत्सवानिमित्ताने येथील बावची विद्यालयातील विद्यार्थीनींनी अधिकारी व पोलीस यांना राखी बांधून परंडा पोलीस ठाण्यात रक्षाबंधन गुरूवार ( ता. ११ ) साजरा केला . यावेळी पोलीस निरीक्षक सुनिल गिड्डे , सहाय्यक पोलीस निरीक्षक आर. एन. ससाणे, सहाय्यक पोलीस निरीक्षक विक्रांत हिंगे यांनी सर्व विद्यार्थ्यांना पोलीस ठाण्यात चालणाऱ्या कामकाजाची माहिती दिली.
तसेच वेगवेगळे विभाग, विविध शस्त्रे, ऑनलाइन होणारे फ्रॉड, मोबाईल चा योग्य वापर, विविध गुन्हे, मुलींचं संरक्षण, गुड टच बॅड टच, पोलीस दिदी याबाबत माहिती मोटेगावकर , भांगे , मुल्ला , रामराजे शिंदे, माळी , हावळे यांनी विद्यार्थ्यांना दिली. यावेळी बावची विद्यालय, परंडा च्या विद्यार्थीनींनी रक्षाबंधन या बहीण भावाच्या नात्याला घट्ट करणाऱ्या सणानिमित्त पोलीस अधिकारी ,पोलीस , कर्मचारी यांना राखी बांधून औक्षण केले .
