Pune PMRD Lottery: पुणे : पुणे महानगर प्रदेश विकास प्राधिकरणाच्या हद्दीत स्वतःचे घर घेण्याची इच्छा असलेल्या नागरिकांसाठी दिलासादायक बातमी समोर आली आहे. पीएमआरडीएने (PMRD) अत्यल्प उत्पन्न गट आणि अल्प उत्पन्न गटातील नागरिकांसाठी एकूण 833 सदनिकांची ऑनलाईन सोडत जाहीर केली आहे. या सोडतीची संपूर्ण प्रक्रिया अगदी सोपी ठेवण्यात आली असून नोंदणीपासून अर्ज आणि रक्कम भरणे हे सर्व टप्पे ऑनलाईन पद्धतीने पूर्ण करता येणार आहेत. त्यामुळे नागरिकांना कार्यालयांच्या फेऱ्या माराव्या लागणार नाहीत.
हेही वाचा- गुन्हेगारांची आता खैर नाही! पुणे-पिंपरीतील 7 पोलीस स्टेशन आणि 3 झोन, प्रशासनाच्या हालचालीला वेग
या गृहनिर्माण योजनेअंतर्गत सदनिका दोन ठिकाणी उपलब्ध करून देण्यात आल्या आहेत. पेठ क्रमांक 12 येथे एकूण 340 सदनिका असून यामध्ये अत्यल्प उत्पन्न गटासाठी 55 आणि अल्प उत्पन्न गटासाठी 285 सदनिकांचा समावेश आहे. याच ठिकाणी अत्यल्प उत्पन्न गटातील पात्र लाभार्थ्यांना प्रधानमंत्री आवास योजनेअंतर्गत 2.50 लाख रुपयांचे अनुदान मिळणार आहे. त्यामुळे घराची एकूण किंमत कमी होण्यास मदत होणार आहे. याशिवाय पेठ क्रमांक 30 ते 32 येथे 493 सदनिका उपलब्ध असून यामध्ये अत्यल्प उत्पन्न गटासाठी 306 आणि अल्प उत्पन्न गटासाठी 187 सदनिका देण्यात येणार आहेत.
जाणून घ्या महत्त्वाच्या तारीख
ऑनलाईन नोंदणीची प्रक्रिया सोमवार 15 डिसेंबर रोजी सकाळी 11 वाजल्यापासून सुरू झाली आहे. ऑनलाईन अर्ज भरणे आणि पेमेंट प्रक्रिया 19 डिसेंबर रोजी दुपारी 12 वाजल्यापासून सुरू होणार आहे. 27 जानेवारी 2026 रोजी सायंकाळी 5 वाजेपर्यंत अर्ज करता येणार आहे. ऑनलाईन पेमेंटची अंतिम वेळ 27 जानेवारी रात्री 11.59 वाजेपर्यंत असेल. आरटीजीएस किंवा एनईएफटीद्वारे रक्कम भरण्यासाठी 28 जानेवारी 2026 रोजी दुपारी 3 वाजेपर्यंत मुदत देण्यात आली आहे.
दिलेल्या माहितीनुसार, स्वीकारलेल्या अर्जांची प्रारूप यादी 11 फेब्रुवारी 2026 रोजी सायंकाळी 7 वाजता प्रसिद्ध होईल. या यादीवर 12 फेब्रुवारी रोजी सायंकाळी 5 वाजेपर्यंत आक्षेप नोंदवता येणार आहेत. अंतिम यादी 17 फेब्रुवारी रोजी सायंकाळी 7 वाजता जाहीर केली जाईल. त्यानंतर 26 फेब्रुवारी 2026 रोजी सकाळी 10 वाजता ऑनलाईन सोडत काढली जाईल. सायंकाळी 6 वाजता पात्र आणि प्रतीक्षा यादीतील अर्जदारांची नावे संकेतस्थळावर प्रसिद्ध केली जाणार आहेत. नागरिकांनी housing.pmrda.gov.in या संकेतस्थळावरूनच अर्ज करावा, असे आवाहन पीएमआरडीएकडून करण्यात आले आहे.
अर्ज करण्याची प्रक्रिया
-
संकेतस्थळावर “EWS/LIG Housing Registration” किंवा तत्सम लिंकवर क्लिक करा.
-
तुमची वैयक्तिक माहिती भरा त्यानंर नोंदणी पूर्ण केल्यावर तुमच्या मोबाइल/ईमेलवर ओटीपी (OTP) प्रक्रिया पूर्ण करा.
- लॉगिन झाल्यावर आवश्यक कागदपत्राची माहिती भरा. अर्ज पूर्ण झाल्यानंतर ऑनलाईन रक्कम भरण्यासाठी लिंक येईल. त्यावर पेमेंट करा. पेमेंट झाल्यावर पावती डाऊनलोड करा.
-
अर्ज सबमिट केल्यानंतर ऑनलाईन अर्जाची पुष्टी मिळेल. भविष्यातील संदर्भासाठी अर्जाची PDF कॉपी डाउनलोड कर
