पुणे: पुणे-बंगळूरू महामार्गावरील नवले पुलावर आज सकाळी पुन्हा एका स्कूल बस आणि कारमध्ये जोरदार धडक झाली, ज्यात 2 व्यक्ती जखमी झाल्याची माहिती आहे. ‘ब्लॅक स्पॉट’ म्हणून ओळखल्या जाणाऱ्या नवले पुलावर अपघातांची मालिका आजही सुरूच आहे.
मिळालेल्या माहितीनुसार, एका ‘पंच’ कारला पाठीमागून येणाऱ्या स्कूल बसने जोरदार धडक दिली. धडकेची तीव्रता इतकी होती की, कारचे मोठे नुकसान झाले. या दुर्घटनेत कारमधील 2 प्रवासी जखमी झाले, परंतु त्यांना तात्काळ जवळच्या हॉस्पिटलमध्ये उपचारासाठी दाखल करण्यात आले. सुदैवाने जखमींची स्थिती सध्या स्थिर आहे. विशेष म्हणजे, बसमध्ये विद्यार्थी नसल्यामुळे मोठी दुर्घटना टळली आहे.
पाहा व्हिडीओ:
पुण्यातील नवले पुलाजवळील पुन्हा अपघात
ब्लॅक स्पॉटवर पुन्हा अपघात
अपघातात दोन जण जखमी
नवले पुलावर स्कूल बस व कारची धडक pic.twitter.com/JDMl3enSMh
— ✧ 𝕾𝖍𝖚𝖇𝖍𝖆𝖒 ✧ (@shubham_pb) December 8, 2025
पुणे शहरात सर्वाधिक अपघात होणाऱ्या 19 रस्त्यांच्या यादीत नवले पुलाचे नाव अग्रक्रमाने घेतले जाते. कात्रज बोगद्याकडून पुलाकडे येताना रस्त्याला असलेला 4.3 टक्क्यांचा तीव्र उतार हे अपघातांचे मुख्य कारण मानले जाते, ज्यामुळे भरधाव वाहनांचा वेग अनियंत्रित होतो.
अपघाताची मालिका पाहता केलेल्या उपाय योजनानंतरही अपघाताची मालिका सुरुच आहे. दरम्यान, सध्याचा अपघात किरकोळ असला तरी, प्रशासनाने या धोकादायक पुलावर तातडीने कठोर आणि कायमस्वरूपी उपाययोजना करावी, अशी मागणी नागरिक करत आहेत.
