पुणे: अमेरिकेतील गाजलेल्या एपस्टीन फाईल्स 19 डिसेंबर (Prithviraj Chauhan) रोजी तेथील संसदेत खुल्या होणार असून त्यातून समोर येणारी (Epstein Files Controversy) माहिती ही जगाच्या राजकारणाला (Maharashtra Politics) हादरवणारी ठरेल, असा दावा काँग्रेसचे ज्येष्ठ नेते पृथ्वीराज चव्हाण यांनी केला आहे. या फाईल्सचा परिणाम भारताच्या राजकारणावरही होऊ शकतो आणि पंतप्रधान बदलण्याचीही शक्यता निर्माण होऊ शकते, असा तर्क त्यांनी व्यक्त केला आहे. (Breaking News)
नेत्यांना अल्पवयीन मुली पुरवल्याचा आरोप
पृथ्वीराज चव्हाण म्हणाले की, जेफ्री एपस्टीन नावाच्या व्यक्तीने जगातील अनेक मोठ्या आणि प्रभावशाली लोकांना अल्पवयीन मुली पुरवल्याचे आरोप आहेत. या प्रकरणात भारतातील काही लोकांचाही सहभाग असल्याची चर्चा आहे. त्यामुळे देशाच्या राजकारणात मोठी उलथापालथ होऊ शकते. याआधीही आपण पंतप्रधान बदलण्याबाबत वक्तव्य केलं होतं आणि त्यावर आजही ठाम असल्याचं चव्हाण यांनी सांगितलं. (Latest Marathi News)
परराष्ट्र धोरणावर टीका
चव्हाण यांनी पंतप्रधान नरेंद्र मोदी यांच्या परराष्ट्र धोरणावर टीका करत ते पूर्णपणे अपयशी ठरल्याचा आरोप केला. एपस्टीन फाईल्समध्ये भारतातील काही आजी-माजी खासदारांची नावे असल्याची चर्चा सुरू असल्याचंही त्यांनी नमूद केलं. जेफ्री एपस्टीनने आत्महत्या केली नसून त्याची हत्या झाली असण्याचा संशय अनेकांनी व्यक्त केला आहे, असंही ते म्हणाले. उच्च सुरक्षा असलेल्या तुरुंगात त्याला आत्महत्या करण्यासाठी साधनं कशी मिळाली, हा आजही प्रश्न असल्याचं त्यांनी सांगितलं. (Marathi Batmya)
नेत्यांना हनी ट्रॅपमध्ये अडकवण्याचं काम
एपस्टीन प्रकरणाबाबत माहिती देताना पृथ्वीराज चव्हाण म्हणाले की, 1995 पासून एपस्टीनने अल्पवयीन मुलींच्या माध्यमातून मोठ्या नेत्यांना हनी ट्रॅपमध्ये अडकवण्याचं काम केलं. या प्रकरणात डोनाल्ड ट्रम्प, माजी राष्ट्रपती बिल क्लिंटन, उद्योगपती बिल गेट्स आणि इंग्लंडचे युवराज प्रिन्स अँड्र्यू यांची नावं पुढे आली आहेत. बिल गेट्स यांनी आरोप मान्य केले असून प्रिन्स अँड्र्यू यांनी कोर्टाबाहेर समझोता केला आहे. (Narendra Modi)
पुढील वर्षी अमेरिकेत निवडणुका असल्याने या प्रकरणाची कागदपत्रे जाहीर करण्यासाठी खासदारांनी दबाव टाकला. त्यानुसार अमेरिकेच्या संसदेत कायदा मंजूर करण्यात आला असून 19 डिसेंबर रोजी एपस्टीन फाईल्स खुल्या होणार आहेत. या घडामोडींचा परिणाम भारतातही दिसू शकतो आणि पंतप्रधान बदलण्याची शक्यता नाकारता येत नाही, असं पृथ्वीराज चव्हाण यांनी स्पष्ट केलं.
