लहू चव्हाण
पाचगणी : पर्यटन नगरी पाचगणीतील युथ फोरम गणेश मंडळाने गणेशोत्सवात कोरोना लसीकरण शिबिर घेत कोरोनाबाबत जनजागृती केली. लसीकरण शिबिरात एकूण १५० नागरिकांचे लसीकरण करण्यात आले. यामुळे युथ फोरम गणेश मंडळाने लसीकरण मोहीम राबविल्याने परिसरात कौतुक होत आहे.
छत्रपती शिवाजी महाराज चौकातील युथ फोरम मंडळ दरवर्षी विविध उपक्रम राबवत असते. यंदा कोरोना लसीकरण शिबिर घेतल्याने नागरिकांनी उत्स्फूर्त प्रतिसाद दिला. यात १५० नागरिकांचे लसीकरण करण्यात आले.
दरम्यान, कोरोनाच्या दोन ते अडीच वर्षाच्या संकटाच्या काळातून यंदा निर्बंधमुक्त गणेशोत्सव साजरा होत आहे. निर्बंधमुक्त गणेशोत्सव साजरा करीत असताना पर्यावरण आणि आरोग्याच्या दृष्टीने सुरक्षा जपण्याचे आवाहन पोलिस व पालिका प्रशासनाकडून करण्यात आले आहे.
या लसीकरणासाठी ओमकार जाधवराव, आदित्य प्रभाळे, धवल पुरोहित, ओमकार भगत, अथर्व मुळे, रहिम शेख, विराज बिरामणे, विपुल बोधे, आदित्य माने, ओमकार उंबरकर,हरिष उपाध्याय,विरेन माने, अभिषेक भगत, ऋनाल पुरोहित आदींनी परिश्रम घेतले.
