लोणी काळभोर, (पुणे) : माजी मुख्यमंत्री देवेंद्र फडणवीस यांच्या वाढदिवसानिमित्त भारतीय जनता पार्टी लोणी काळभोर शहरच्या वतीने पृथ्वीराज कपूर मेमोरियल हायस्कूल येथील गुणवंत ७५ विद्यार्थ्यांना रायटिंग पॅडचे वाटप करण्यात आले.
“माझा वाढदिवस सामाजिक उपक्रम राबवून साजरा करावा” असे फडणवीस यांनी इच्छा व्यक्त केली होती. त्या अनुषंगाने या कार्यक्रमाचे आयोजन लोणी काळभोर शहर भारतीय जनता पार्टीचे शहराध्यक्ष कमलेश दत्तात्रय काळभोर यांनी केले होते.
यावेळी अध्यक्षस्थानी ज्येष्ठ सामाजिक कार्यकर्ते नंदू काका काळभोर, पृथ्वीराज कपूर मेमोरियल हायस्कूलचे प्राचार्य सिताराम गवळी, भाजपा पुणेजिल्हा उपाध्यक्ष प्रवीण काळभोर, ज्येष्ठ इतिहास प्रेमी प्राध्यापक जगन्नाथ लडकत, किरणजी दुगाने, भाजप महिला मोर्चा पुणे जिल्हा सचिव व माजी सरपंच पुनम सागर चौधरी, हवेली तालुका महिला उपाध्यक्ष सविता वर्मा, सूर्यकांत काळभोर, कदमवाकवस्ती भाजप शहराध्यक्ष विशाल गुजर, मल्हार पांडे, भाजप हवेली तालुका सचिव गणेश चौधरी, राष्ट्रीय स्वयंसेवक संघाचे विशाल वेदपाठक, दिनेश भाटी, सतीश खंडेलवाल, शिक्षक शिंदे एस.जे. शाहीर महेश खुळपे, युवा वक्ते सिद्धेश कायगुडे व इतर मान्यवर मंडळी उपस्थित होते.
सदर कार्यक्रमाचे प्रास्ताविक कमलेश काळभोर यांनी केले, कुमार मल्हार पांडे, व प्रवीण काळभोर यांचे मनोगत व्यक्त केले. शिक्षक जानराव डी. ए. यांनी सूत्रसंचालन केले. कल्पना बोरकर मॅडम यांनी आभार मानले. याप्रसंगी लोकमान्य टिळक यांना जयंतीनिमित्त अभिवादन करण्यात आले.
