लोणी काळभोर : लोणी काळभोर (ता. हवेली) येथील पूर्व हवेली ज्येष्ठ नागरिक संघटनेचे संस्थापक अध्यक्ष सोपान उर्फ काका मारुती काळभोर ( वय. ७७ ) शुक्रवारी (ता.२५) मध्यरात्री बारा वाजण्याच्या सुमारास वृद्धापकाळाने निधन झाले आहे. त्यांच्या पार्थिवावर लोणी काळभोर येथील स्मशानभूमीत शोकाकुल वातावरणात अंत्यसंस्कार करण्यात आले. त्यांच्या पश्चात तीन भाऊ, दोन मुले, दोन मुली, सुना आणि नातवंडे असा मोठा परिवार आहे. येथील रमण गायकवाड ग्रामविकास प्रतिष्ठानचे संस्थापक अध्यक्ष दत्ता काळभोर व प्रसिद्ध छायाचित्रकार दीपक काळभोर यांचे ते वडील होत.
सोपान काळभोर यांनी पुणे जिल्हा परिषदेत सहायक अधीक्षक म्हणून कामकाज पाहिले आहे. निवृत्तीनंतर काळभोर यांनी ज्येष्ठ नागरिकांच्या हितासाठी पुर्व हवेली ज्येष्ठ नागरिक संघटनेची स्थापना केली आहे. काळभोर यांच्या अचानक निधनाने लोणी काळभोर व पंचक्रोशीत शोककळा पसरली आहे.
