Farm News : पुणे : शाकाहारी पदार्थ असो वा मांसाहारी, टोमॅटो सर्रास वापरला जातो. थोडासा आंबटपणा आणि जेवणाची चव वाढवण्यासाठी टोमॅटो उपयुक्त ठरतो. एरवी बाजारात १० ते २० रुपये किलो, या भावाने मिळणारा टोमॅटो आता ७० ते ८० रुपये किलो, या भावाने मिळत आहे. टोमॅटोचे दर वाढल्याने सर्वसामान्यांच्या खिशाला कात्री लागणार हे नक्की.(Farm News)
घाऊक बाजारातील दर ४० रुपयांपर्यंत वाढले आहेत.
वाशीतील कृषी उत्पन्न बाजार समितीमध्ये टोमॅटो १८ ते २८ रुपयांना मिळत होते. मात्र, गुरुवारी हेच घाऊक बाजारातील दर ४० रुपयांपर्यंत वाढले आहेत.(Farm News) तर दुसरीकडे किरकोळ बाजारात टोमॅटोचे दर ८० रुपयांवर पोहोचल्याने गृहिणींचं बजेट कोलमडलं आहे. सॅलडपासून ते जेवणात अगदी काही ठिकाणी नाश्त्यासाठी देखील टोमॅटोचा वापर केला जातो.
घाऊक बाजारात टोमॅटो कमी प्रमाणात आले; मात्र मागणी वाढली आहे. त्यामुळे ही दरवाढ आली आहे. टोमॅटोची चढ्या दराने विक्री केली जात आहे. उष्णता आणि अवकाळी पाऊस यामुळे टोमॅटोचं मोठं नुकसान झालं आहे. परराज्यातून आणि महाराष्ट्रातून टोमॅटोची आवक कमी झाल्याने भाव वाढल्याचं व्यापाऱ्यांनी सांगितलं आहे.(Farm News)
बाजारात सध्या राज्यातील टोमॅटो दाखल होत असून, बंगळुरूवरुन होणारी आवक ही पूर्णतः बंद आहे. त्याठिकाणी ही मालाचे दर वधारले असल्याने बाजारात टोमॅटो दाखल होत नाही. आधी बाजारात टोमॅटोच्या ४०-५० गाड्या दाखल होत होत्या, मात्र आता उत्पादन कमी झाले आहे.(Farm News)
मध्यंतरीच्या कालावधीत टोमॅटोला कवडी मोल बाजारभाव मिळत होता, त्यामुळे शेतकऱ्यांनी टोमॅटो उत्पादनाकडे अधिक लक्ष न दिल्याने उत्पादन कमी असल्याचं सांगितलं जात आहे.(Farm News)
