पुणे: अनेक लोकांना नेहमीच्या सामान्य तापमानापेक्षा (Body Temperature) शरीर अधिक गरम झाल्याचे किंवा सतत हलका ताप असल्याचे जाणवते. तज्ज्ञांच्या मते, शरीराचे तापमान सतत वाढत राहणे हे एकटे लक्षण नसून शरीरातील काही गंभीर समस्यांचे संकेत असू शकते, ज्याकडे दुर्लक्ष करणे धोकादायक ठरू शकते.
सतत तापमान वाढण्याची कारणे
- डॉक्टरांच्या मते, शरीराचे तापमान वाढण्यामागे अनेक अंतर्गत किंवा बाह्य कारणे असू शकतात:
- शरीरात कोणताही विषाणूजन्य किंवा जीवाणूजन्य संसर्ग असल्यास शरीर नैसर्गिकरित्या तापमान वाढवून लढण्याचा प्रयत्न करते.
- हायपरथायरॉईडीझम किंवा महिलांमध्ये रजोनिवृत्ती दरम्यान होणारे हार्मोनल बदल झाल्याने तापमान वाढते.
- संधीवात किंवा ल्युपसयांसारख्या विकारांमध्ये शरीराची प्रतिकारशक्ती स्वतःच्याच पेशींवर हल्ला करते, ज्यामुळे दीर्घकाळ पर्यंत हलका ताप राहतो.
- गरम आणि दमट हवामान, अति तणाव, उच्च-तीव्रतेचा व्यायाम किंवा मसालेदार आणि तेलकट पदार्थांचे अतिसेवन यामुळेही शरीराची उष्णता वाढते.
- काही प्रतिजैविकेकिंवा इतर औषधे शरीराचे तापमान वाढवू शकतात.
काय उपाय करावे?
जर शरीराचे तापमान वारंवार जास्त राहत असेल किंवा उष्णतेसोबतच थकवा, भूक न लागणे किंवा चक्कर येत असेल, तर त्वरित वैद्यकीय सल्ला घेणे आवश्यक आहे. प्राथमिक स्तरावर डिहायड्रेशन टाळण्यासाठी नारळ पाणी, लिंबू पाणी किंवा ताक पिणे; सैल आणि सुती कपडे घालणे उपयुक्त ठरेल.
