Baramati 10 Crore Scam: पुणे: पुण्यातील बारामती येथे सकाळपासून अंमलबजावणी संचालनालयाने छापेमारी सुरु असल्याची माहिती समोर येत आहे. दुग्धव्यवसायातील गुंतवणुकीवर चांगला परतावा देण्याचे आश्वासन देऊन तब्बल १० कोटींची फसवणुकीप्रकरणात (10 Crore Scam) ईडीने (ED Raid) धडाकेबाज एन्ट्री करत मोठी कारवाई सुरु केली आहे. पुणे, मुंबई आणि बारामती या भागात आज ईडीने छापेमारी केली आहे.
मिळालेल्या माहितीनुसार, पुणे मुंबईच्या दुध डेअरीवाल्यांना १० कोटींची फसवणूक केले. यामध्ये मंत्रालयातील काही कर्मचाऱ्यांनाही पैसांचा गंडा लावल्याचे उघड झाले आहे. या प्रकरणी जळोची या गावातील आनंद लोखंडे आणि विद्या सतीश लोखंडे यांच्या घरावर ईडीने छापा टाकला आहे.
नेमकं काय प्रकरण
प्राथमिक तपासातून धक्कादायक माहिती समोर आली. सतीन लोखंडे आणि विद्या लोखंडे या जोडप्यांनी पुणे, मुंबई आणि बारामती या ठिकाणातील अनेक छोट्या मोठ्या व्यवसायिकांना दुग्धव्यवसाय क्षेत्रात गुंतवणूक करण्यात सांगितले होते. त्यात त्यांनी जास्त परतावा मिळण्याचे आमिष दाखवले. परंतु प्रत्यक्षात कोणताही व्यवसाय न करता त्यांनी लाखो रुपये जमा करून एकूण अंदाजे १० कोटी रुपयांची फसवणूक केली.
फसवणूकीची तक्रार दाखल होताच, पोलिसांनी प्राथमिक तपास सुरु केला आणि त्यानंतर या प्रकरणात काही मंत्रालयातील काही वरिष्ठ अधिकारी देखील फसले आहे अशी माहिती बाहेर आली. या प्रकरणाची तक्रार बारामती डेअरी प्रायव्हेट लिमिटेड कडून दाखल करण्यात आली होती. विद्या आणि सतीश यांच्याविरोधात गुन्हा दाखल करण्यात आला. ईडीने त्यांच्या गावच्या घरावर छापा टाकला आहे.
ईडीकडून जप्त केलेली कागदपत्रे आणि आर्थिक व्यवहारांची माहिती पुढील तपासासाठी महत्त्वाची ठरणार असून, या फसवणूक प्रकरणात आणखी काही जणांचा सहभाग असण्याची शक्यता तपासली जात आहे.
