Pune News : पुणे : अल्पवयीन मुलींवर अत्याचाराच्या घटनांमध्ये सातत्याने वाढ होत आहे. किराणा दुकानात गेलेल्या एका १५ वर्षीय अल्पवयीन मुलीला मारहाण करुन, तिच्यावर अमानुष अत्याचार केल्याची धक्कादायक घटना वारजे माळवाडी परिसरात उघडकीस आली आहे. तर गणेशखिंड रोड परिसरात एका ११ वर्षांच्या मुलीचा विनयभंग केल्याची घटना घडली आहे. या प्रकरणी वेगवेगळ्या पोलीस ठाण्यांत गुन्हा दाखल करण्यात आला आहे.
वारजे माळवाडी आणि गणेशखिंड रोड परिसरातील घटना
याबाबत पोलिसांनी दिलेल्या माहितीनुसार, वारजे माळवाडी येथील घटनेत फिर्यादी यांची अल्पवयीन मुलगी बिल्डींगच्या खाली असलेल्या किराणा दुकानात टोमॅटो आणण्यासाठी गेली होती. (Pune News) त्यावेळी त्यांच्याच बिल्डिंगमध्ये राहणाऱ्या सुनील दोडमणे या आरोपीने फिर्यादीच्या मुलीला मारहाण करुन जबरदस्तीने शारीरिक संबंध ठेवले. याबाबत कोणाला काही सांगितल्यास जिवे मारण्याची धमकी दिली. याप्रकरणी वारजे पोलीस ठाण्यात आरोपीवर पोक्सो अॅक्टनुसार गुन्हा दाखल केला आहे. हा प्रकार १३ ऑक्टोबर रोजी रात्री साडेआठच्या सुमारास घडला.
अशीच एक घटना पुण्यातील गणेश खिंड रोड परिसरात घडली. ही मुलगी किराणा दुकानात सामान आणण्यासाठी गेली होती. या मुलीसोबत गैरवर्तन करुन तिचा विनयभंग केल्याचा प्रकार समोर आला आहे. (Pune News) याबाबत पीडित मुलीच्या आईने चतु:श्रृंगी पोलीस ठाण्यात फिर्याद दिली आहे. त्यानुसार राहुल जगन्नाथ गायकवाड (वय-३५, रा. गणेशखिंड रोड, पुणे) याच्यावर पोक्सो अॅक्ट नुसार गुन्हा दाखल केला आहे. हा प्रकार १२ ऑक्टोबर रोजी रात्री साडेआठच्या सुमारास घडला.
अधिक बातम्या वाचण्यासाठी येथे क्लिक करा :
Pune news : भारत-पाकिस्तान क्रिकेट सामन्यानंतर जल्लोष; तरुणांवर पोलिसांकडून लाठीमार; कारवाईची मागणी
Pune News : ड्रग्ज तस्कर ललित पाटील प्रकरणाचा तपास सहायक पोलीस आयुक्त सुनील तांबे यांच्याकडे
