Health Tips : आपण घरामध्ये किंवा ऑफिसमध्ये असताना जर आपल्या आसपास असणाऱ्या एखाद्या व्यक्तीची तब्येत अचानक खराब झाली, तर त्यासाठी प्रसंगावधान राखून पुढील उपाययोजना करणे अतिशय आवश्यक असते. वेळीच उपचार केले गेल्याने परिस्थिती आटोक्यात येते. पण काही विकार अगदी अचानक उद्भवतात. हे विकार गंभीर स्वरूपाचे असल्याने आणि यासाठी करावयाच्या उपचारांबद्दल फारशी माहिती नसल्याने प्रसंग हाताबाहेर जातो आणि हा विकार उद्भवलेल्या व्यक्तीच्या जीवावरही बेतू शकते.
अचानक कोणाला आलेला हृदयविकाराचा झटका हे अशा प्रसंगाचे उदाहरण म्हणता येईल. आपल्या आसपासच्या एखाद्या व्यक्तीला अचानक हृदयविकाराचा झटका आल्यास, त्या व्यक्तीला वैद्यकीय मदत मिळेपर्यंत काही उपाय आपण करू शकता. (Health Tips) यासाठी स्वतः घाबरून न जाता, आपल्या आसपासच्या इतर व्यक्तींना आपल्या मदतीसाठी बोलावून घ्या.
डॉक्टरांना ताबडतोब फोनद्वारे निरोप द्या. हृदयविकाराचा झटका आलेल्या व्यक्तीला जमिनीवर सरळ झोपवा. त्याच्या शरीरावरील कपडे, बेल्ट इत्यादी घट्ट वस्तू सैल करा. हृदयविकाराचा झटका आलेली व्यक्ती शुद्धीत आहे किंवा नाही हे पाहावे. (Health Tips) जर व्यक्ती बेशुध्द असेल, तर त्याच्या नाकाजवळ आपला हात नेऊन त्याचा श्वासोच्छ्वास चालू आहे किंवा नाही हे तपासावे. रूग्णाची पल्स तपासावी. जर त्याचा श्वासोच्छ्वास होत नसेल, किंवा पल्सही लागत नसेल, तर अशावेळी रुग्णाला सीपीआर देण्याची आवश्यकता असते.
सीपीआर नेमका द्यायचा कसा?
सीपीआर देण्यासाठी आपला उजवा हात रुग्णाच्या छातीच्या मधोमध ठेऊन उजव्या हातावर डावा हात ठेवावा. दोन्ही हातांनी पूर्ण प्रेशरने छाती दाबावी. (Health Tips) या प्रक्रियेला कम्प्रेशन असे म्हणतात. हे प्रक्रिया जलद गतीने करायची असते. एका मिनिटांमध्ये 100 कम्प्रेशन्स या गतीने ही प्रक्रिया करावयची असते. वैद्यकीय मदत मिळेपर्यंत ही प्रक्रिया चालू ठेवा. असे केल्यास एखाद्या जीव वाचण्याची दाट शक्यता असते.
अधिक बातम्या वाचण्यासाठी येथे क्लिक करा :
Health Tips : अचानक हृदयविकाराचा तीव्र झटका आल्यास काय करावं? तर जाणून घ्या…
