मुंबई : बॉलिवूडचे प्रसिद्ध गायक कैलाश खेर यांच्यावर कर्नाटकमध्ये एका कॉन्सर्टदरम्यान काही तरुणांनी हल्ला करण्याचा प्रयत्न केला. दोन तरुणांनी त्यांच्याकडे कन्नड गाणं गाण्याची मागणी केली. तरुणांनी उद्विग्न होत थेट कैलाश खेर यांना पाण्याच्या बॉटल फेकून मारल्याची घटना समोर आली आहे.
मिळालेल्या माहिती नुसार, रविवार (ता. २९) कैलाश खेर यांचा कर्नाटकातील हंपी येथे शो सुरु होता. यादरम्यान दोन तरुणांनी त्यांच्याकडे कन्नड गाणे गाण्याची मागणी केली. तरुणांनी उद्विग्न होत थेट कैलाश खेर यांना पाण्याच्या बॉटल फेकून मारल्याचे देखील समोर आले आहे. यानंतर बंदोबस्तासाठी असलेल्या पोलिसांनी तात्काळ ऍक्शन घेत त्या तरुणांना ताब्यात घेतले.
