Rashmika Mandanna Video : नवी दिल्ली : साउथ अभिनेत्री रश्मिका मंदान्नाचा डीपफेक व्हिडिओ व्हायरल झाला. त्यामुळे सध्या रश्मिका ही एका व्हायरल व्हिडिओमुळे चर्चेत आहे. ज्यात एका दुसऱ्या मुलीच्या चेहऱ्यावर रश्मिकाचा चेहरा लावून तो व्हायरल करण्यात आला होता. हा व्हिडिओ व्हायरल झाल्यानंतर अनेक कलाकार आणि रश्मिकाचे चाहते तिच्या सपोर्टसाठी समोर आले. आता या प्रकरणावर साउथ स्टार विजय देवरकोंडाने देखील रश्मिकाच्या व्हायरल व्हिडिओवर प्रतिक्रिया दिली आहे.
विजय देवरकोंडाने रश्मिकाच्या व्हायरल व्हिडिओवर प्रतिक्रिया देताना म्हटले आहे की, रश्मिकाच्या डीपफेक व्हिडिओवर सरकारने कारवाई केली आहे.”भविष्यासाठी हे खूप महत्त्वाचे पाऊल आहे. हे कोणाच्याही बाबतीत होऊ नये. यासोबतच अशा घटना तात्काळ थांबवून गुन्हेगारांना शिक्षा व्हावी यासाठी सक्षम सायबर विंग बनवण्यात यावी.” सध्या विजयची पोस्ट सोशल मिडियावर खुप चर्चेत आहे. त्याने रश्मिकासाठी स्टँण्ड घेतल्यानं नेटकरी त्याचे कौतुक करत आहेत.
रश्मिका आणि विजयच्या रिलेशनशीपच्या चर्चा गेल्या अनेक दिवसांपासून व्हायरल होत असतात. विजय देवराकोंडा सोशल मीडियावर खूप सक्रिय आहे. तो अनेकदा नवीनतम फोटो आणि व्हिडिओ शेअर करतो. अनेक दिवसांपासून रश्मिका आणि विजयच्या डेटिंगच्या अफवा पसरत आहेत. दोघेही बऱ्याचदा एकत्र दिसले आहेत. त्याचे व्हिडिओदेखील व्हायरल होत असतात. मात्र या प्रकणात अमिताभ बच्चन पासून ते मृणाल ठाकुरपर्यंत अनेकांनी या प्रकरणी कडक कार्यवाही करण्याची मागणी केली.
