Film News : मुंबई : 1978 साली प्रदर्शित झालेला ‘डॉन’ चित्रपट बॉलीवूडच्या प्रसिद्ध चित्रपटांमध्ये एक आहे. या चित्रपटाने प्रेक्षकांच्या मनात राज्य केलं. ‘डॉन’ची अनेक गाणी लोकप्रिय झाली असली तरी या चित्रपटाचे एक खास गाणे आजही प्रेक्षकांच्या ओठावर आहे. ‘खाइके पान बनारसवाला’ असे ते गाणं.
प्रेक्षकांच्या हृदयात विशेष स्थान
‘बिग बी’ अमिताभ बच्चन यांच्यावर चित्रित झालेल्या या गाण्याला प्रेक्षकांच्या हृदयात विशेष स्थान आहे. या गाण्याशिवाय ‘डॉन’ चित्रपटाची कल्पनाही करता येत नाही. पण हे गाणं या चित्रपटासाठी लिहिलेले नव्हतंच. हे गाणं दुसऱ्या चित्रपटासाठी लिहिले गेलं होतं. हे प्रसिद्ध गाणं देव आनंद यांच्या 1973 मध्ये आलेल्या ‘बनारसी बाबू’ या चित्रपटासाठी लिहिलं होतं. पण काही कारणास्तव हे गाणं देव आनंद यांच्या चित्रपटात समाविष्ट करण्यात आलं नाही.
‘डॉन’ या चित्रपटाचं शूटिंग संपल्यानंतर हे गाणं अमिताभ बच्चन यांच्यावर वेगळे चित्रित करण्यात आले होते. चित्रपटाचे शूटिंग पूर्ण होईपर्यंत या गाण्याचा चित्रपटात समावेश करण्याचा कोणताही विचार नव्हता. शेवटच्या क्षणी त्यांनी चित्रपटात गाण्याचा समावेश केला. हेच गाणं इतकं हिट होईल, अशी कल्पनाही निर्मात्यांना नव्हती. मात्र, हे गाणं खूपच हिट झालं.
